يد بيد نسعى لرقى المنتدى

اخوانى و اخواتى الافاضل ،،، احييكم جدا على مجهودكم المتميز فى المنتدى الرائع دة و بجد تنظيم المنتدى و هدفه رائع ما شاء الله

و شكر خاص للاخ الفاضل احمد مدير المنتدى على مجهودو المتميز

اتمنى انى اكون معاكم سبب فى رقى المنتدى و الاهم نكون سبب فى نشر الوعى الاسلامى و النهوض بالامة الاسلامية

و عندى بعض الاراء و الافكار و يارب تعجبكم

اولا : احنا بحاجة ماسة لتعلم كتاب الله سبحانه و تعالى و لابد من العلم بما جاء فيه من احكام و امور و نواهى و توضيحها لبعضنا و لا ننسى ،،، العمل ثم العمل ثم العمل

ثانيا : ياريت يكون فى قسم خاص بسيرة الرسول صلى الله عليه و سلم و الصحابة رضوان الله عليهم لنتعلم منهم كيف كانت همتهم لخدمة هذا الدين العظيم

ثالثا : حوارنا العام ، ياريت اكتر ما يكون فى مناقشة احوالنا الدينية من " كيف نتوب - كيف نحافظ على التوبة - كيف نساعد الاخرين - كيف نكون من السعداء بهذا الدين الجميل العظيم ..... " الخ

رابعا : بالنسبة لكلام الشباب ياريت يكون اكتر فى مساعدة بعضهم ازاى يكونو افضل مثال للشاب المسلم

خامسا : بالنسبة لكلام البنات بردو ياريت رغينا ^^ يكون فى افادة بعضنا من تبيين احكام و من توضيح كيف يكون الحجاب الشرعى و بردو لو اى وحدة عندها مشكلة كلنا نساعدها و اهم حاجة مساعدة بعض ازاى نكون افضل مثال للفتاة المسلمة

سادسا : بالنسبة للتنمية البشرية عاوزين بردو نهتم جدا بالقسم دة لانه يعتبر من اهم الاقسام فى اى منتدى ، محتاجين نتعلم من حياة الناجحين و نعلم بعض ازاى نقدر نوصل لتحقيق اهدافنا و طموحتنا و نتعلم ازاى نتعامل مع الاخرين بمعاملة اسلامية راقية ..... الخ

سابعا : بالنسبة للمديا الاسلامية منقتصرش فقط على الاناشيد ياريت يكون فى حلقات او مقاطع هادفة لشيوخنا الافاضل و دعاة الاسلام حفظهم الله جميعا

ثامنا : بالنسبة للمنتدى الطبى فمهم جدا جدا جدا ياريت بردو نبذل مجهودنا فى البحث عن كل ما يفيد صحتنا و يساعدنا على المحافظة عليها لان الصحة نعمة غالية لازم نقدرها

تاسعا : قسم المقالات و الخواطر ياريت كل واحد فينا يكتب عن حالو ازاى قبل ما يتوب و بعد ما تاب و طبعا مش بس كدا اللى عاوز يكتب اى حاجة يتفضل . . يمتعنا بقلمو ^^

عاشرا : بالنسبة بقى لقسم ساعة لقلبك من وجهة نظرى يعنى نغير الاسم يكون مثلا قسم الترفيه لان مفيش حاجة اسمها ساعة لقلبك لازم تكون كل ساعتنا لله و بس ،،،، مع مراعاة حدود التعامل بين الجنسين عشان ربنا يبارك فينا و فى عملنا و فى المنتدى الرائع دة

يااااااارب اكون قدرت اضيفلكم حاجة مفيدة

و ربنا يوفقنا كلنا و نرتقى بالمنتدى و يكون من اجمل المنتديات الاسلامية

مستنية تعليقاتكم و اقتراحتكم معايا

دمتم فى امان الله و حفظه ،،،، و السلام عليكم و رحمة الله و بركاته

وعليكي السلام ورحمه الله وبركاته
موضوع حلو يا روضتي
وانا معاكي في افكارك دي
وان شاء الله ربنا يقدرنا علي فعل الخير والرقي بالمنتدي
موفقه باذن الله

جـــــــزاكي الله خيرا

فعلا اراء ومقترحات جميلة وان شاء الله تتنفذ فى اقرب وقت ممكن

رائع والله يا روضتي
الدروس الاسبوعيه اللي اتفقنا عليها ان شاء الله نشرك فيها الناس اللي هنا
والمقترحات رائعة ماشاء الله
وانا عارفة انك كتبتي الموضوع عشان القسم الطبي ^^
بس ملاحظة صغيرة ممكن يكون قسم للنصائح لأن العام مواضيع عامة وغير متخصصة فيما ذكرتي
يارب نقدر نعمل حاجة وياارب زي ما اتحركت القلوب تتحرك الاقلام
بارك الله فيكم جميعاً وجعلنا واياكم ممن ينهضون بدين الله

دمعه القدس كتب:: وعليكي السلام ورحمه الله وبركاته
موضوع حلو يا روضتي
وانا معاكي في افكارك دي
وان شاء الله ربنا يقدرنا علي فعل الخير والرقي بالمنتدي
موفقه باذن الله

يااااارب يقدرنا
و يوفقنا الى ما يحبه و يرضاه
شكرا على مشاركتك يا قمر
و يارب نقدر ننفذ مع بعض

Admin كتب:: جـــــــزاكي الله خيرا

فعلا اراء ومقترحات جميلة وان شاء الله تتنفذ فى اقرب وقت ممكن

و جزاك مثله اخى
يارب ان شاء الله
وفقنا الله الى ما يحبه و يرضاه
شكرا على المشاركة الرائعة

سوما كتب:: رائع والله يا روضتي
الدروس الاسبوعيه اللي اتفقنا عليها ان شاء الله نشرك فيها الناس اللي هنا
والمقترحات رائعة ماشاء الله
وانا عارفة انك كتبتي الموضوع عشان القسم الطبي ^^
بس ملاحظة صغيرة ممكن يكون قسم للنصائح لأن العام مواضيع عامة وغير متخصصة فيما ذكرتي
يارب نقدر نعمل حاجة وياارب زي ما اتحركت القلوب تتحرك الاقلام
بارك الله فيكم جميعاً وجعلنا واياكم ممن ينهضون بدين الله

انتى الاروع حبيبتى
ان شاء الله بإذن الله
اشكرك يا سوما شكرا جزيلا لان انتى اللى حمستينى على الافكار دى
و طبعا لازم القسم طبى ههههههه ما انتى عارفة بقى
ايوة فعلا ممكن يكون بإضافة قسم النصائح و العام يبقى زى ما هو للمواضيع العامة
ربنا يبارك فيكِ حبيبتى يارب
و ربنا يوفقنا الى ما يحب و يرضا
شكرا على المشاركة الرائعة

وعليكم السلام ورحمة الله وبركاته
والله كل كلامك جميل جدا
وأدعو الله أن يتحقق هذا
بالقرآن المحكم نحيا
فى دنيا لا خير حياة
يد بيد نسعى لرقى المنتدى Picture

جزاكى الله خيرا على الأقتراحات الرائعة

» حملة تعذيب صاحب المنتدى