الولاد والبنات فى الامتحان

مشرف عدد المساهمات : 624 تاريخ التسجيل : 16/09/2010

طبعاً متعودين المقارنه فى مصلحة البنات ههههههههههههههههههههههههههههه

يلا نبدأ

1-ليلة الامتحان

البنت قاعدة تذاكر والشاب قاعد يذاكر شوفوا ايه اللى بيحصل

البنت: عماله تراجع وتحفظ وتحل اختبارات مراجعه للمرة العاشرة

الشاب: يكتشف المنهج لأول مرة

البنت : تاخذ استراحة قصيرة

الشاب : ينام ساعه - ياكل ساعه - كل ربع ساعه مذاكرة يستريح ساعه

2-التليفون بيرن

البنت : الو خالتو ازيك عاملين ايه الحمد لله خدى ماما معاكى ادعيلى يا خالتوا عندى امتحان بكرة

الشاب: الو ازيك يا خالتوا عاملين ايه ؟ وازاى خالد و ادهم ؟ بقولك يا خالتوا محمود عندك؟ طب اديهونى اسلم عليه الو ازيك يا محمود عامل ايه ... انا عمال اذاكر والله روحى طلعت من المادة بنت ال.... المهم بقولك شفت الماتش؟ الحكم ابن ال ....... اه طب بص نص ساعه كده وقابلنى فى القهوة عشان عايزك فى موضوع .

**البنت تذاكر وتذاكر

**الشاب يعمل برشامه و يخرج يقابل محمود

**البنت تسهر تراجع وتنام

**الشاب يجى من بره فى وقت متأخر يلاقى ابوه فى وشه يتخانق معاه وينام .

3-يوم الامتحان

تروح البنت قبل ميعاد الامتحان بساعتين ( من غير ما تاكل اصلاً مالهاش نفس **متوترة**) وتفضل تراجع وتراجع وتراجع

الولد يصحى متأخر (معذور اصلا ما لحقش ينام) ويروح يفطر على مهله ( يعنى هيروح الامتحان على لحم بطنه ؟ مش معقول ) واخيرا يروح الجامعة ولكن يقف قليلا قبل الدخول(( ليدخن سيجارة)) ( يعنى معقول يروح يمتحن وراسه مش متظبطه) بالنهايه يدخل اللجنه متأخر فيتخانق مع المراقب اللى معترض على تأخره وفى النهايه وحرصا على مستقبله يتدخل رئيس اللجنه رأفة به ويوافق على حضوره الامتحان.

البنت : تقرأ الادعيه ثم تسمى وتفتح الورقه وتبدأ فى الاجابه

الشاب : يبص حواليه (بيستعد للفرصة اللى هيخرج فيها البرشامه )

البنت : تنهى الاجابات ثم تراجع مرة اخيرة وتحمد ربنا و تسلم الورقه وتخرج

الشاب :المراقب شافه بيغش يسحب منه الورقه فيقوم بعمل خناقه وزيطه فى اللجنه ( حرام عليكوا ده ظلم منكم لله انا عارف اصلا انتوا حاطينى فى دماغكوا من الاول ربنا على المفترى)

4-يوم النتيجه

الفتاه تنجح بتفوق 98% وتحمد الله وتشكره

الشاب يرسب 13% ويصرخ ويقول ( والله ظلم اصلا نظام التعليم فاشل وامتحانات باميه الله يخرب بيت المصححيين)

5-فى المنزل

((منزل البنت ))الأب والأم يهنوا البنت ويقوللها عقبال السنه اللى جايه

((منزل الشاب ))الأب والأم بالشبشب فوق دماغه وهو ولاااااااا بيحس وفى الآخر (طبعاً لما اهله يتعبوا من الضرب فيه) يدخل ينام زى السطيحه ولا كأنه اضرب ولا حاجه خالص

عشان تعرفو بس
اننا مجتهدين cheers

اوعى حد يزعل من الموضوع يا جماعة احنا بنضحك بس

ههههههههههههههههه
الشباب لسه هيقعدوا ويمسكوا الكتاب والكلام ده
اما البنات دي مهتمه وعارفه هي وراها ايه

لا أصل الشباب بيبقو باردين شوية

إنما البنات بتخاف

و فى الأخر الولاد بتجيب أكتر من البنات

مشرف عدد المساهمات : 624 تاريخ التسجيل : 16/09/2010

دمعه القدس كتب:: ههههههههههههههههه
الشباب لسه هيقعدوا ويمسكوا الكتاب والكلام ده
اما البنات دي مهتمه وعارفه هي وراها ايه

ههههههه طبعا يا دمعة طول عمرنا متفوقين

مشرف عدد المساهمات : 624 تاريخ التسجيل : 16/09/2010

إستشهادى قيد التنفيذ كتب:: لا أصل الشباب بيبقو باردين شوية

إنما البنات بتخاف

و فى الأخر الولاد بتجيب أكتر من البنات

لا لا مين قال كده بس؟؟
حضرتك ممكن تشوف اوائل الدفعة فى اى كلية هتلاقيهم كلهم بنات الا ما رحم ربى ههههههه

مشرف عدد المساهمات : 836 تاريخ التسجيل : 17/09/2010

واضح يا اميرة انك بقالك كتير مش متابعة الاخبار
لا البنات بتذاكر ولا الولاد
وبعدين ايه امتياز ولا اول دفعة
حاجات مش حلوة ولا مشجعة
مش طموح