--------------------------------------------------------------------------------
عايز تقول؟؟؟
احكى هنا ....ابكى هنا
على ورق
على صفحات راح تنحرق
احكى هنا
عن وردة جميلة
و طفلة بريئة
عن حلم جميل اتسرق
لو تفتكر من كام سنه
كان الطموح فى السما
نرسم طريق مليان زهور
والنور هناك وكمان هنا
شايفين الأمانى والهنا
وعشان كده
كنت أسير حاجات كتير
قلت لنفسى
يمكن اكون
واحلامى كتير ..... مين زيى أنا ؟؟؟
وفجأة صحيت على دقة الزمن الحزين
على صوت بينادى
اصحى بقى
الحلم انتهى
فتح عيونك
دا الفجر شقشق
والنور ابتدى
صوت يقول
شيل الستارة
وبطل تنام
كفاية كلام
كفاية أحلام
عن الأمانى ...والأوهام
وصحيت أنا
لقيت أحلامى متسطرة
على صفحة ضعيفة متكسرة
كتبتها ريشه متعطرة
لكن عطرها زايل وضايع
يا حلم جميل تايه
مين شاف حلمى أنا ؟؟
لو يبيعوا الأحلام
طب حلمى أنا... تايه هنا
مين اللى باعه ومين اللى اشترى ؟؟!!
قلوب كتير زيى كده
عايشه حزينه متأثرة
أحلامها ضايعه متكسرة
وخلى بالك م اللى هقوله
مش كل حلم بيتكسر
فيه ناس بتحلم العمر بطوله
بس حلم مالوش أثر
يمكن كلامى يكون غريب
ولا مفهوم وكمان عجيب
بس أهه كلام على ورق
والورق راح ينحرق
.............
والورق راح ينحرق
منقوووول
موضوع: احكى هنا .....ابكى هنا.. 
الخميس 4 نوفمبر 2010 - 23:13
