يوم فى حياة ناخب

الموضوع ده يا جماعة عشان كل عضو يدخل ويقول يا ترى راح الانتخابات ولا لا؟؟
ولو كان راح يحكى لينا عن اليوم ده من اوله لنهايته
يا ترى كان دوره ايه؟؟
ويا ترى انتخب بسرعة ولا الموضوع طول؟؟
ويا ترى كان فيه بلطجية ولا لا ؟
والانتخابات كانت نزيهة ولا.......
فى انتظار يومياتكم

انا بقا يا اميرة
دمى محروق اوى
مش عارفة اقول حاجة
غير حسبنا الله ونعم الوكيل
لما افوق كده هاحكيلكوا

ربنا فوق الكل

جزاكي الله خيرا علي الفكره
انا حضرت الانتخابات
وهحكي اللي حصل
اولا انا والاخوات رحنا لجنه الانتخاب من الساعه 7 ونص كده ومن وفتها لحد بعد العصر واحنا مقعدناش
بجد منهم لله ربنا ينتقم منهم
المهم يعني ان اليوم في اوله مشي طبيعي شويه بس اللجن فتحت وبدا التصويت من الساعه 8 وشويه يعني مش زي القوانين ما بتقول انهم المفروض يبداوا 8 بالضبط ,,,, بعد كده,,,, لقينا انصار مرشحين الحزب الواطي معلقين صور دعايه جوه المدرسه وشويه كده لقينا مرشح بس هو مش تبع الحزب ولا تبع الاخوان طبعا لقيناه باعت عربيه وعليها لافتات ليه وعمالين يلفوا وطبعا ده ممنوع لان الدعايه الانتخابيه للمرشحين بتنتهي قبل يوم الانتخاب بيوم او اتنين طبعا لو كان الللي عمل كده مرشح من الاخوان كان امن الدوله قلب الدنيا بعد كده الناس بدات تيجي عشان تنتخب وانا واخوات تانيين كان معانا كشوف باسماء الناس ورقم لجانهم اللي هم هييجوا ويصوتوا وكان الموضوع ماشي طبيعي جدا جوه اللجن وبره كمان لحد الظهر كده بعد كده طبعا استغربنا خالص انهم سايبنا براحتنا كده ولا حتي بتوع الحزب بيجيبوا ناس يرشحوهم المهم اننا خمنا وقلنا يمكن يقفلوا علينا في اخر اليوم ولا يمكن التزوير يكون في الفرز مش في اللجن وبعد كده العصر اذن وظهرت الحقيقه بداوا بقي يقفلوا اللجن وياخدوا الورق غصب عن المندوبين الللي في اللجنه وبداوا يزوروا""اللي هما طبعا بلطجيه الحزب الواطي"""""""""" ففي اخ من الاخوه كان مندوب في لجنه قعد يزعق لهم علي التزوير ده قاموا مسكينوا ضربوه حسبنا الله ونعم الوكيل والاخوات اللي كانوا مندوبين في اللجن في اخت منهم قامت قاعده فوق الصندوق بتاع الانتخاب عشان مش يحطوا فيه الورق اللي عمالين يزوره فكان في اخ واقف قام واحد من البلطجيه قايله خليها تنزل عشان مش اقلب الصندوق بيها فالاخت قالتله مش هنزل بس بعد كده الاخ قلها انزلي ونزلت ,,, وبرضوا الاخوه والاخوات بداوا يصوروا اللي بيحصل ده وازاي انهم بيزوروا وبيحوطوا في صناديق الانتخاب ورق بالكوم
وطبعا باقي الاخوات والاخوه كانوا تحت وكنا بجد مرهقين خالص ولما سمعنا باللي حصل ده والتزوير ده زعلنا قوي وقلنا بعد التعب ده كله ييجوا الكلاب دول ويبوضوا الدنيا كده
حسبنا الله ونعم الوكيل ,, وربنا ما هنسيب حقنا من كل اللي ظلمونا وهناخدوه منهم يوم القيامه ومش هناسحهم ابدا
منهم لله ,, ربنا ينتقم منهم
اللهم اااااااااااااااااااااااااااااامين

حسبى الله ونعم الوكيل
يا ريت كل اللى يدخل يدعى عليهم

انا بقول اغير التوقيع بتاعى بقى لحسن منظره بقى وحش قوى
كله اتزور والحمد لله