سيداتى ساداتى . احييكم من من غرفة عمليات الحزب الحاكم لمتابعة الانتخابات واجرينا هذا الحديث
مع السيد/............ المتحدث الرسمى باسم الموميات المتشبثه بالكرسى
-فى البدايه نسال حضرتك ماهو تقييم سيادتكم للانتخابات؟
الانتخابات هذة المرة تتسم بالنزاهه والشفافيه وهذا الكلام اقوله بمنتهى الثقه
- هل يعنى هذا ان الانتخابات السابقه لم تكون تتسم بالنزاهه والشفافيه؟
-انا لم اقل هذا وقد اسئ فهم تصريحى . انا اقصد انها مثل سوابقها نزيهه وشفافه
اذن فما رائ سيادتكم فى الشكاوىالتى ترد تباعا كالسيل من مختلف المناطق؟
طبعا دة كلام فاضى يروجه بعض المغرضين والفاشلين اعداء النجاح
سيادتك رائينا على احدى القنوات الاخباريه منع المرشحين من الدخول الى اللجان
لقد سارعنا بالتحقق من هذا الخبر فوجدنا ان هناك سيدة من انصارنا التى اصرت على الانتخاب والادلاء بصوتها جائها المخاض
فى مقر اللجنه فطبعا منع الامن الناس من الدخول لكى تتم عمليه الولادة بسلام
وقد سميت وليدها ...............تيمننا بقائد مسيرتنا الحكيم
وحضرتك راينا احد المرشحين الكبار انسحب يوم الانتخاب بسبب التزوير الفج الشامل
دة بالذات ااقدر ااقول وانا مطمئن.. انه انسحب عندما تاكد ان مرشحنا مكتسح وتحقق من هزيمته
فعمل هذة المسرحيه ليشوه عرش الديمقراطيه التى لم تشهده بلادنا من قبل
يعنى حضرتك بتعترف ان بلادنا لم تشهد ديمقراطيه حتى هذا اليوم
شوفتى حضرتك ...اظاهر انك متسلطه او من حزب الاعداء. او من جهات خارجيه تمها الطعن فى ديوقراطيتنا
انا اقصد ان هذة الديمقراطيه لم تشهدها بلادنا قبل تشريف حزبنا المصون
طب حضرتك شوفت الضرب بالشوم ووالسنج والسيوف امام كثير من اللجان فماذا تقول ؟
لقد سارعنا وتحرينا الامر فوجدنا انها لقطات من تصوير فيلم عن الانتخابات فى (غنيا كوناكرى )
وطبعا طلبنا من المخرج وقف التصوير حتى لا يلتبس الامر على الناس
اكيد حضرتك شوفت معانا فيديو لرؤساء اللجان وهم يقومون بتسويد البطايق الانتخابيه ووضعها فى صندوق الانتخابات لصالح مرشحكم
فما هو تعليق سيادتكم؟
مين قال ان الراجل دة رئيس اللجنه
هل رايت بطاقته ؟ هل تحريتى من شخصيته ؟ لقد بحثنا فى الامر ووجدنا ان هذا الفيديو ملفق وانه تم تصويرة فى احدى الشقق المفروشه
واتضح ايضا ان هذا الامر يقف ورائهعدد من الجهات الاجنبيه التى تريد تشويه الديمقراطيه فى بلدنا
طيب يا فندم
فى اماكن كثيرة وجدنا بطاقات الاقتراع ملقاه على الارض فى الشوارع وبعضها تم حرقه
فما تعليق سيادتكم ؟
مين قال انها بطاقات اقتراع دى بطاققات مزورة ..دا اذا كان زوروا الدولار مش هيزوروا البطاقات
دة يا ستى ناس لهم اجندات سياسيه غير شريفه عملت هذة التمثليه لتغطى على فشلهم الزريع فى النتخابات
منين حضرتك عرفت انهم فشلوا والجان لم تغلق بعد؟
حضرتك هما عارفين من زمان انهم هيفشلوا
عارفين منين حضرتك ؟ وانا مالى روحى اساليهم
وبعدين بصى حواليكى فى كل مكان هتعرفى مدى انجازات حزبنا الموقر
دة حضرتك احنا خلينا الطماطم اللى مكنش ليها سعر
بقيت ب 12 جنيه ودة طبعا لدعم الفلاحين الغلابه
وكمان عشان نعرف الشعب قيمه النعمة وعدم الاسراف فيها
لو كانت الطماطم رخيصه مكنش الشعب قدرها واحترمها زى دلوقت
خلينا فى الانتخابات حضرتك دلوقت
ممكن اسال حضرتك ليه رفضتوا مراقبين اجانب للانتخابات ؟
........لا والف لا نحن لا نحتاج لصك من شويه ( جرابيع ) عشان ياكدوا نزاهتنا
المراقبين دول ينفعوا للناس اللى عاوزة تتعلم الديموقراطيه .....مش يادة النزاهه والشفافيه
..............................................
سيداتى ساداتى نكتفى بهذا القدر ولنا عودة فى الاعادة ان شاء الله
دة اذا كانوا ناويين يعملوا اعادة
وحسبى الله ونعم الوكيل
منقووووووووووووووووووووووووول
موضوع: حوار صحفى حول الانتخابات النزيهه....... 
الثلاثاء 30 نوفمبر 2010 - 18:23
