كـــلام من القـــلب ...

كلام من القلب ..............{1}






{ بسم الله الرحمن الرحيم }


الموضوع ده يا جماعة بجد موضوع مهم جدا وممكن ناس كتير تزعل منه بس بجد الحاجة دى انتشرت بطريقة فظيعة جدا جدا تدعوا للقلق والله وفى انتشار كبير جدا وأصبح هذا هوالمألوف, ومن يعاكس هذا الموضوع أصبح هو الغريب, مش هطول كتير الموضع هو موضوع اللبس سواء بنات وأولاد بس الموضع النهاردة عن البنات بدون تعصب وإنحياز ........... ويا ريت يا جماعة بجد محدش ياخد الموضوع بتعصب بس يعلم الله أنى ما اريد إلا أن أبلغ رسالة أشعر بها كلما رأيت منظر يغضب ربنا...........


_ المشكلة ان الواحد بيتعجب جدا لم بيشوف المنظر ده ازاى خارجة من البيت بالمنظر ده وفين –الرجالة- الى فى البيت بس ما تتعجبش اوى كده .............

عن عمّار بن ياسر -رضي الله عنه-، عن رسول الله -صلى الله عليه وآله وسلم- قال: (ثلاثة لا يدخلون الجنّة أبداً، الديّوث، والرَّجُلة من النساء، ومدمن الخمر. قالوا: يا رسول الله، أمّا مدمن الخمر فقد عرفناه، فما الديّوث؟ قال: الذي لا يبالي من دخل على أهله. قلنا: فما الرجلة من النساء؟ قال: التي تَشَبَّهُ بالرجال)، رواه الطبراني،

والأحاديث فى الموضوع ده كتير ............. مصيبة بجد ان الواحد لا يغار على أهل بيته , بس هو بيشوف الحكاية دى من منظور أخر من منظور الشياكة الموضه الانتشار , كله بيعمل كده , طيب وهل ده هو المقياس بتعنا احنا المسلمين............ ؟!.

قال الله تعالى ((وقرن فى بيوتكن ولا تبرجن تبرج الجاهلية الأولى )) . اللبس ده والمكياج والحاجات دى كلها مش موضه ولا ثقافة ولا الكلام ده كله انما هو الجهل , تبرج الجاهلية وهو إظهار المرأة زينتها لغير زوجها ومحارمها المنصوص عليهم في القرآن الكريم , كان هذا من قبل فمنّ الله علينا وجلعنا مسلمين كانت المرأة تظهر مفاتنها فكان الإسلام حريص علينا وعلى المرأة فجاءت هذة الأية.


كيف تكون البنت تقرأ القرأن وتصلى وتعمل الخير الكثير ولكنها تغفل عن شىء عظيم وهو اللبس ....... سبحان الله , تخرج من البيت بهذا المنظر من الملابس ,تُرى كم من الشباب سوف ينظرون إليها ,تُرى كم من المعاصى سوف تأخذها هى بسبب نظرة هؤلاء الشباب , تُرى كم من المشاكل ممكن أن تسببها هى لها ولغيرها بهذا النظر , ألا تضع كل هذا فى بالها ولا حتى تفكر فيه................سبحان الله

تأخذ حسنات كثيرة ولكنها تضيعها فى نفس الوقت فى ساعات بل دقائق وهى تدرى أن ما تفعله خطأ......... يالله

كل هذا لماذا .........!؟

إننا نهتم بالزينة وليس الأصل, نهتم بالظاهر وليس الباطن. نهتم بالفانى وليس الباقى نهتم بالفانى وليس الباقى , كم سنة ستعيشها هذة الفتاة فى فترة شبابها إن كتب الله لها البقاء .........!
وإن كتب الله لها البقاء هل هذا سيصبح حالها عندما تكبر لا والله بل يتغير, ستكون اشد الحرص على إخفاء ما كانت تُبدية.............أوليس هذا ما كنتى حريصة عليه , اين ذهب هذا الجمال............! إنه فانى والله يا ليته فقط كذلك ولكننا اخذنا عليه سيئات لا يعلمها إلا الله .
كل فترة معينة من الفترات العمرية تقتضى مجاهدة النفس فى جانب معين أكثر من الأخر , فترة الشباب هى أشد فترة ممكن أن نأخذ بها حسنات كثيرة وهى فترة إبتلاء أيضا أوليس الأجر على قدر المشقّة إن لم نصبر فى فترة الشباب ونجاهد أنفسنا, ونحتسب الأجر عند الله , هل ستأتى علينا فترة بعد ذلك تقتضى مجاهدة أنفسنا فى فترة الشباب بنفس القدر...........؟ لا ولكنها فترة ورفعها الله إليه صبر فيها من صبر وجاهد نفسه من جاهد , وهناك الأخر لم يصبر ولم يجاهد نفسه , الفترة عاشها الإثنين ولكن من فاز .....!؟



مشكلة كبرى هى الأخرى نرى المرأة الكبيرة وبجوارها ابنتها , ولكن هناك شيئان مختلفان , العمر , والملبس , من المفروض ان يكون الملبس واحد (فى الإحتشام ) ولكن هذا عندما نعمل من اجل الله , أما إن كنا نعمل من أجل العمر فهذة المرأة كبيرة تلبس كذا وهذة ما زالت فى شبابها تلبس كذا, فهذا عندما يُملى علينا العمر ما نفعله وليس ديننا .............!

الطامة الكبرى عندما تسأل المرأة الكبيرة(الأم) كيف تقبلى على ابنتك هذا الملبس, هنا تعرف ان كان الدين أم كان العمر , تسمع العٌجاب (سيبها هى حرة تعمل إلى تعمله ) (ما احنا ياما عملنا واحنا صغيرين)(علشان تتجوز) وكثير وكثير . الأن عرفت إن كان العمر أم الدين

ألم تسمع هذة الأم عن اليقين فى الله !؟ , وكيف نعصى الله لكى يرزقنا بالزوج , أهذا هو المراد, الزوج ؟

جاء سعيد الحظ وتزوج ابنتك الجميلة , من اين ستضمنى ................؟

إن كان سيعاملها بالحُسنى , كيف سيكون حالهما بعد الزوج , كيبف سيربّى أولادهما , هل سيدعها تزورك , تعطف عليكى , تبرك ..................وكثير هل ستضمنى هذا كله بعد الزواج؟

لا والله إلا ان يمن الله عليهما ويوفقهما لما يحب ويرضى , كيف وكنا نعصاه ,كيف ولم نجاهد أنفسنا ,كيف ولم نجعل الجنة أمام أعيننا ,كيف, كيف, كيف ............... .

ليس هذا الكلام يعنى أن كل البنات بهذا المنظر ولكن هناك من يخاف الله ولكن الفئة الكبيرة هى الفئة التى نتكلم عنها , كل واحدة تنصح اختها, صحبتها, بنتها, قريبتها حتى نرى مجتمع صحيح مُعافى .

أعتذر إن كان فى الكلام تجريح لأحد ولكن هذا بسبب خطورة الموضوع وانتشاره بصورة غريبة .........

ندعوا الله لنا ولكم بالثبات على الحق إلى أن نلقاه .............آمين

قال رسول الله ( ص) :
{ لأن يهدىّ الله بجد رجلاً واحداً خيراً لك من حُمر النعم } { خيراً لك من الدنيا وما فيها }

اللهم اهدنا واهدى بنا واجعلنا سببا لم اهتدى ....................آمين

كلام من القلب ..............{2}




شعارنا :
ما خرج من القلب <<<<<<<<<<<<<<<<<<< وصل إلى القلب
وما خرج من اللسـان <<<<<<<<<<<<<<<<<<< لا يتجاوز الأذان

من المعروف والثابت أن الله لا يحرم علينا شىء إلا وأن فيه سوء وضرر لنا, ولا يحل لنا شىء إلا وأن فيه خير لنا, فإن فعلنا ما أمرنا به , وانتهينا عما نهانا عنه , فقد فزنا فوزاً عظيماً , ولكننا للأسف لا نعمل ذلك ــــ إلا من رحم ربه ــ .

فمن الأشياء التى نهانا الله عنها ما تدوم إلى يوم القيامة على المسلمين كشرب الخمر فلا يحق لأى مسلم أن يشرب الخمر , وهناك اشياء أخرى أجلها الله لنا حتى نكون قادرين عليها وقادرين على تحمل مسؤليتها كالزواج , فالإسلام قد حرم الزنا وفى نفس الوقت جعل بديل له وهو الزواج .



لذلك فالإسلام قد حرم مخاطبة الرجل للمرأة بغير ضرورة , وكذلك لا يحل له ان يلمس اى إمرأة لا تحل له >>>>>>>>>

عَنْ مَعْقِلِ بْنِيَسَارٍ، قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:"لأَنْ يُطْعَنَ فِي رَأْسِ أَحَدِكُمْ بِمِخْيَطٍ مِنْ حَدِيدٍ خَيْرٌلَهُ مِنْ أَنْ يَمَسَّ امْرَأَةً لا تَحِلُّ لَهُ". أخرجه الطبرانى ، والروياني في " مسنده " ، وصححهالألباني في "السلسلة الصحيحة".

يعنى الشاب اللى قاعد مع واحدة و ماسك أيديها يقدر يستحمل ضربة المخيط الحديد فى رأسه ....!!!! علشان أيه ؟؟؟؟
و تيجى تقوله يا عم ما ينفعش الكلام ده يقولك ده بباها موصينى عليها

أصل ( بابا فرى و ماما عاتى ) هنقول أيه بس >>>>>>>>>>>
وعَنْ عَائِشَةَ رَضِيَ اللَّهُ عَنْهَا زَوْجَ النَّبِيِّ صَلَّى اللَّهُ عَلَيْهِوَسَلَّمَ قَالَتْ: "لَا وَاللَّهِ مَا مَسَّتْ يَدُرَسُولِ اللَّهِ صَلَّى اللَّهُ عَلَيْهِ وَسَلَّمَ يَدَ امْرَأَةٍ قَطُّ". رواه البخاري، ومسلم ، والترمذي ،وابن ماجة ، وأحمد ، وغيرهم.


الواحد حب يتكلم عن حاجة بقى بيشوفها اليومين دول كتير .......
كتير أيه ده بكثافة بغزارة الواحد مش عارف يعمل أيه .......

تلاقى أختنا فى الله ماشية مع شلة شباب و فرحانة و مبسوطة أوى يا سلام البنت روشة أخر 3 حجات .
و الولد نفس الكلام ماشى مع شلة بنات و عاملى فيها هارون الرشيد و يقولك ما فيش بنت تقف قصادى .

بالنسبة للبنت اللى عايشة حياتها عادى جدا و ماشية مع ولد و مش هنقول حب و مش هنضحك على بعض و نقول دول بيحبو بعض و الكلام الفاضى ده لا إسمها ماشية معاه و هات أى واحد من الشارع و أسأله يقولك ......... ( الواد أردخانة ماشى مع البنت فتكات ) ما بيقولش بيحبها و بعدين اللى بتبقى ماشية مع ولد دى لازم تعرف إنها بتعمل حاجة غلط لأنها بتشوفه و بتقابله فى الخبينى و لو الأهالى تعرف بقى تبقى دى النصيبة الكبرى و خليكى عيشى حياتك عادى جدا لحد ما تيجى سنة التخرج و تعالى قوليله هتيجى لبابا أمتى هيرد و يقول أيه ؟؟؟؟؟؟؟

أه أممممممممم أيوة أيوة إن شاء الله هاجى أنا و بابا و نتكلم مع باباكى و نشوف الموضوع بتاعنا
و لكن ...................................

الباشا يا ترى هييجى ؟؟؟؟؟؟؟؟؟؟؟

الباشا يا ترى هيتجوزك فعلا ولا هيعمل أيه ؟؟؟؟؟؟؟

أقولك أنا هيقول أيه :-

البنت دى زى ما مشيت معايا هتمشى مع غيرى . أنا أتجوز واحدة مشيت معاها قبل كده . أبدااااااااااااااااا >>>>>>

بقى دى اللى هتصونى فى عرضى و مالى ، دى اللى هتربيلى عيالى .. لا يمكن أتجوز البنت دى .
أنا أروح أدور على واحدة محترمة ما بتمشيش مع ولاد و أتجوزها .

و فعلا الكلام ده اللى بيحصل و أنتى لو مش مصدقة بكرة يجيلك اليوم و تشوفى الكلام ده بيحصل قدام عنيكى
و بعدين كل واحد و ليه نصيبة يعنى أنتى لو عملتى ايه و مش مكتوبلك تتجوزيه مش هتتجوزيه ولا ايه يا صاحبة العقل المفكر .......

بالنسبة للولد اللى عامل فيها عمى الحبيب و تامر قردىالتانى و ماشيلى مع بنت هنا و هنا و هنا و عامل فى كل كلية قاعدة أساسية هناك علشان لو ملقاش دى يروح لدى و لو ملقاش دى يروح لدى عادى يا حبيبى إعمل اللى أنت عاوزه
بس أحب أعرفك حاجة

كما تُدين تُدان

وقوله تعالى: {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ }( النور:26).

يعنى اللى بتعمله ده ممكن يحصل لأختك أو لبنتك أو لمراتك
و لو أنت راضى بكده تبقى مصيبة لأنك كده هتبقى ديوث
عارف يعنى أيه الدياثة ؟؟؟؟؟؟؟

قال الرسول الكريم صلى الله عليه وسلم "ثلاثةٌ قد حَرّمَ اللهُ - تَبَارَكَوَتَعَالَى - عليهم الجنةَ : مُدْمِنُ الخمر ، والعاقّ ، والدّيّوثُ الذي يُقِرُّفي أَهْلِهِ الخُبْثَ . رواه أحمد والنسائي.


و بعدين انت يوم ما تيجى تتجوز و هتقولها أنتى كان ليكى ماضى فى الكلية؟؟؟؟؟؟؟؟
طبعا ما حدش بيسأل ولا أنت هتسأل ؟؟؟؟؟؟؟؟؟؟؟؟

يعنى من الأخر أنت هتشوفها ملاك و هى كانت عملت زى اللى أنت عملته بالظبط كل حاجة بتعملها هى بتعمل زيك و مراتك بتبقى مكتوبالك من يوم ما بتتولد يبقى ليه بقى نقعد نلف و ندور و نحب فى دى يوم و التانية يومين و نعشم دى و دى و فى الأخر هتخلى بيهم مش حرام عليك و أنت فى الأخر مش هتتجوزها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و بعدين يا ريتها بتيجى على قد الكلام لا دى بتبقى بعد كده مسكة أيد و بعد المسكه خلاص بقى إتعودنا على بعض خالص و بعدين نمشيها جواز عرفى و بعدين تبقى مصيبة
وبعدين أنت لو قاعد مع بنت و الآذان أذن هتقوم تصلى ولا مش هتقوم ؟؟؟؟؟؟؟؟؟؟؟؟؟؟؟؟؟؟

و لو مت لا قدر الله و أنت قاعد معاها هيحصلك أيه ؟؟؟؟؟؟؟؟؟

أسئلة كتيرة أسألها لنفسك و جاوب عليها قبل ما يحصل النصيب و ما حدش عارف بيموت أمتى ولا فين ولا و هو بيعمل أييييييييييييييييييييه >>>>>


ربنا يهدينا و يهدى كل المسلمين و المسلمات يا رب و يرحمنها و يغفر لنا
آآآآآآآآمين


وقال تعالى: {أَلَمْ یَأْنِ لِلَّذِینَ آمَنُوا أَن تَخْشَعَ قُلُوبُھُمْ لِذِكْرِاللَّھِ وَمَا نَزَلَ مِنَ الْحَقِّ وَلَا یَكُونُوا كَالَّذِینَ أُوتُواالْكِتَابَ مِن قَبْلُ فَطَالَ عَلَیْھِمُ الْأَمَدُ فَقَسَتْ قُلُ وبُھُمْ} الحديد : ١٦ ،