حيوا معايا العضوة ميرو

الإخوة الكرام أهالى المنتدى الطيبين الكرام

احب بقوة أنى احيي العضوة المميزة جدا ميرو

باحييها على ايه باة ...؟؟؟ دا اللى هاقوله دلوقتى
ميرو ياجماعة من أول ما جات المنتدى هنا وهيا مشاغبة جدا وكل ما تدخل الدردشة تعمل أزمة

والناس تفضل تكلم فيها وتطبطب عليها وتراضيها وهيا عمالة تتعب اعصاب الكل وتستفز الكل

والناس اللى هنا معظمهم طيبين
دا إن تغاضينا عن الأحامد الثلاثة
لطفى وماهر وسامى

دول اشرار جدا وانا عارفهم كويس

المهم باة ميرو رغم انها لاقت دماغنا هنا غير دماغها تماما ... وكان ممكن تنسحب بهدوء وتبعد عن الحاجات اللى ضد دماغها دى كلها من اول يوم

ميرو ياجماعة كانت حاسة إن المنتدى فيه حاجة هيا محتاجاها
بس مش عارفة توصلها
المهم أنها بالفعل من كتر كلام الأعضاء الرائعين معاها
بدات تقرب وبدات تحاول تفهم ... واخيرا بدأت تحس باللى كانت محتاجاه
ودلوقتى
هيا أخدت اول خطوات ناحية ربنا ... وقررت تتغير .. صحيح لسة خطوات التغير باقى فيها كتير ... بس هيا أخدت خطوة ... وإن شاء الله هتكمل

وربنا بيقول ( من تقرب إلي شبرا تقربت إليه ذراعا ومن تقرب إلى ذراعا تقربت إليه باعا ومن اتانى يمشي اتيته هرولا ) اللهم اجعل ميرو منهم ونحن جميعا اللهم الآمين

ودى كلمتى لميرو ... انتى صحيح بدأتى ... لكن مش كفاية ... مفيش وقت ابدا ... كل يوم بينادى عليكى يقولك انا يوم جديد
وعلى عملك شهيد ... فاغتنمينى فإنى لا اعود

وكل لحظة بنقضيها بعيد عن ربنا .. بتوجعنا بعد كدا وبتبقى وحشة فى ذكرياتنا ... ياللا أصنعى احلى ذكرى.. وبدلى سيئاتك حسنات ... وباقول الكلام دا ليا ولكل عضو هنا ولكل شخص فى كل مكان ... ياللا كلنا نتوب لله ... واللي بيتوب .. ويندم على اللى فات منه في غير رضا ربنا ... ويقرر إنه مش هايبعد عن ربنا تانى ... ويبدل ويغير حياته فى رضا الله ... وفى اللى ربنا بيحبه ... ربنا وعده بالرحمة والمغفرة .. والعتق من النيران ... وبأنه سبحانه وتعالى هيبدل سيئاته حسنات
لكن الشرط انه يبدأ فورا ... ويقرر ويتعرف على ربنا وعلى دينه وعلى اوامره ... ساعتها بجد ... هانحقق السعادة المطلقة



مبروك البداية ياميروا ... ومبروك قرارك اللى عرفته وشفته فى التوقيع بتاعك

ومبروك على الجزيرة بتاعتنا شخص جديد مميز وجميل وهيبقى عليها احلى زبون وصاحب مكان .. وهتاخدى الجنسية فورا من غير تعقيدات

شدى حيلك
وللأعضاء الكرام

عايزين ترحيب جامد بخطوة ميرو وقرارها

وعقبال كل الناس تقرب من ربنا وتحبه وتعرفه اللهم آمين
ودمتم بود وفرحة وخير وطاعة وسعادة

ميروووووووووووووووووووو
برافوووووووووووووووووو
قرار رائع جدا
ربنا يحميكى ويقويكى
يا رب اهدينا كلنا الى كل ما تحبه وترضاه
بصى دى تحية بسيطة
ده انا هظبطك
بس اروقلك بس
ههههههههههههههههههههههههههههه
تقبلى البوكيه والتحية
دمتى فى رعاية الله وامنه

والناس اللى هنا معظمهم طيبين
دا إن تغاضينا عن الأحامد الثلاثة
لطفى وماهر وسامى

دول اشرار جدا وانا عارفهم كويس


انا من الاشرار طيب هما ال 2 اوك انما انا نووووووو
بس مش هرد عليك الايام هي الي هتثبتلك عكس الكلام دا

المهم نخلينا فى برنسيسة المنتدي ميرو
10000000000 مبروك يا ميرو
وربنا يهدينا ويهديكي واهلا بيكي فى الجزيرة دي وان شاء الله تلاقى فيها كل الي ناقصك والسعادة الحقيقية

واحنا معاكي لاخر لحظة ولاخر نفس
وطبعا لو محتاجة اي حاجة فى اي وقت كلنا تحت امرك