رداً على قصيدة تايه

برغم البؤس المبالغ فيه فى الرد على قصيدتى البائسة لكنك احسنت وببراعة
كلامك رائع بغض النظر عن المضمون المأساوى
لكن فعلا أجدت فى انتقائك للكلمات
أنتى إنسانة موهوبة جدا وللغاية وبحق
حرام عليكم تكتمى الكنز دا
إنتى عندك كل المقومات عشان تكونى من اكبر شاعرات مصر ... شوية دراسة صغيرين
وهتكونى فوق من رائعة
احييكى بشدة شديدة جدا
وانتظرى ردي الشعرى
أخيرا لقيت حد مميز فى الشعر ممكن اتكلم معاه بالشعر
شكرا لردك على قصيدتى
وشكرا لإبداعك الجامد جدا
ودمتى مبدعة

كام لمبه وكام كلوب ليه هي الكهربا قاطعه
وفيكي بارك حبيبتي وزادك تألقا وإبداعا وأدم بيننا المحبه والود

ياللى انت تايه
فوق بأة من غفلتك
وارفض تموت
وأكسر جدار صمتك
وفوت
وانطق وقول اللى فى بالك
وبلاش تقول طينة وتراب
خليها من فمك ياقوت
انسى اللى فاتك من حياتك
وابتدى احلى حياة
أنسى اللى كان فى يوم هينهى دنيتك
وانسى اللى كان سببه وراه
وارفع إيديك للى خلق
قوله ضعيف
قوله جريح
قوله اكيد علمك بحالى
إنى حاسس بالغرق
ولا عاد حياتى مالية عينى
ولا عاد حياة فيها الرمق
ولا حد سامع ندهتى
ولا حد حاسس كلمتى
والفرح من يأسي أتخنق
ياربنا
ياخالق الخير والهنا
الحل عندك
لا سواك
خلينى قلب وروح معاك
خلينى أكون حاسس بقربك
خلينى طول عمرى ف رضاك
ارسم يارب الكون على جبينى فرح
وارسم على قلبى اشياقى ليوم لقاك
املى حياتى بالإيمان
واملاها بالصبر الجميل
بالنور من النور الأصيل
سيدنا محمد
مصطفاك
ياديك برابر شعرنا
أذن بامر الله ولا
تخشى الضلام
الليل بأمر الله انتهى
والصبح جاى يرمى السلام
انا مش هاقول تانى خلاص
غم ونكد
انا بعد عون الله هاقول
أحلى كلام

إرتجــــــــــــــــــــــــــــــــــــــــــــــــــال
وليد اللحظة
دمتم بخير وود وسعادة

لو يوم تعبت من القسى
حتى الحبيب خان الوفا
والحب م الدنيا اتنسى
والرحمة صارت كوم تراب
متشاطة قدام مكنسة
والام باعت طفلها
والقطة دبحت وِلدَها
اعرف بأن الله هنا
هو الطبيب والمدرسة
وأعرف بانك
لو مشفتش نوره فى دنيا الضلام
حتة بشر
آخرك تراب تحت الركام
لكِنّ نوره فى القلوب المؤمنة ساطع اكيد
مش معنى انك متشوفوش انه قليل
بالعكس دا عمال يزيد
نوره هنا
نوره هناك
البعد عنه طريق مرير
واللحظة تبقى ف قربه عيد
بس انت خايب يا اسمك ايه
مهما تخش الامتحان
عمال تخيب
عمال تعيد
عايز تحس برحمته؟
عايز تدوق ريح جنته؟
عايز تشوف قربه وحنانه وحكمته؟
؟؟؟
افتح عنيك
مش معنى إنك مش شابفها
أنك أنت خلاص عميت
لا دا العنين متغمضة
وانت خلاص
من كتر قفلتها
نسيت

راااائع يا استاذ مصطفي

ايه الناس الجامده دى
انا كده هتغاظ منكوا
واحسدكوا
هههههههههههههههههههههه
ربنا يبارك فيكوا انا بصراحة مقريتش كل حاجة
انا قطعتلى كام جملة كده ف السريع
مكنش ينفع اعدى ع الشعر ومقراش الجمال ده
وبرضه مستعجلة ومش هعرف اقراه كله
المرة الجاية هقر عليكوا بذمة
ههههههههههههههههه
دمتم بسعاده ف رعاية الله

وردا على التوقيع بتاع قطر الندى
ارتجال برضه والله ما اعرف هاكتب إيه لكن
هاقول


أرحل ياوش الغم والنكد التقيل
ارحل وغور ياسارق الفرحة من الخد الجميل
أرحل في ستين ألف داهية
ياللى سارق قوت عيالنا
ياللى حطمت آمالنا
ياللى على نفسك مبذر
ياللى على شعبك بخيل
يلعن أبو صوت السكوت
يلعن أبو كل الخطوط
يلعن أبو اللى جرأوك
خلوك نسيت انك بشر
ولابد بعد العيشة موت
هتغور اكيد
وهيبقى يوم صرفك دا عيد
ارحل وغور
بطل غرور
يكفينا ذل وبهدلة
يكفينا زرو
ياشعب مصر ياطيبين
اوعاكو تتخدعوا بكلامه
كان زمان رابط عنينا
كان معشمنا بسلامه
كان آسرنا وكان قاتلنا
كان مقرقشنا بسنانه
بس دلوقتى خلاص
الشعب فاق
شيلنا الخلاف شيلنا الدمار
وعيشنا أيام الوفاق
هو اللى كان قاتل عقولنا وحسنا
هو اللى كان رافض نعيش عيشة كريمة وآمنة
هو اللى كان قافل عنينا
طب بصوا شوفوا
كام قتيل من سيف إيديه
كام أسير شاف الهوان
علشان سواد اهله وعنيه
بعد اللى ماتوا
ماعدش نافع الكلام
غير الرحيل مالناش كلام
غير الحساب مالناش كلام
لكن يكمل فترته علشان كرامته
بأة دا كلام؟
دم اللى راحوا أغلى من أى كرامة
مش ممكن أقبل قعدته لو يوم كمان
وكلامى فيه مليون علامة
دا اللى سرق قلبى وعقلي وفكرتى
وسرق معاهم الابتسامة
لو غار فى داهية هاكون سعيد
ولو قعد يحكم بإيده المتعاصين دم الغلابة
قول على الدنيا السلامة

من المناظرات الشعرية الجميلة