على باب سفارة كندا

مشرف عدد المساهمات : 624 تاريخ التسجيل : 16/09/2010

على باب سفارة كندا

على باب سفارة كندا.. لمحت إبليس و ف إيده استماره..

باقول له على فين..

قاللي بص ..

يا هجرة ..

يا إعارة.....

يا عم زهقت.. كفرت ..

ألاقيش معاك سيجارة..

أنا انتهيت خلاص ..

لا نافع وسواس ولا خناس

ولا ليا عيش وسط الناس..

دي عالم مجرمين..

عندكوا فائض ف الفساد..

في كل البلاد..

ومش محتاجين شياطين .. ماليش عيش ف دي البلاد

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل ..

و تمشوا ف جنازة المقتول..

ومافيش مشاكل..

يا عم ده انا بقيت أوسوس بالمقلوب..

و أقول للحرامي ..

كفاية بقى ..

توووووب..

إنت إيه..

لوحدك هاتعمل كل الذنوب..؟؟

و أنا إبليس أشتغل واعظ ..

ولا كمساري ف اتوبيس..

يا عم ده أنا زمان

كنت أستنى حد ينسى يسمي وهو بياكل لقمته..

دلوقتي كل أكلكم ملوث .. و بصراحه الواحد خايف على صحته..

ده مافيش ضمير أساساً عشان أموته..

و كل واحد بمزاجه ..

خربانة ذمته..

يا عم ده كل حاجة إتسرقت..

وكده الأجيال الجديدة م الحرامية إتظلمت..

يا راجل ده من كتر ما لطشت معايا..

خرجت ف مظاهرة مع الناس اللي بتقول

كفاية

والله العظيم على رايك

كفاية بجد

جااااااااااااااااااااااااااااااااااااااااااااااااااااااااااااااااااااااااااااامدة جدااااااااااااااااااااااااااااااااااا يا اميرة
بجد تصف حال البلد خلاص صحيح مش محتاجين شياطين احنا ممكن نصدر فساد بدل الغاز واهو حتى عندنا منه فائض كتيررررررررر بس الغاز مفيش

مشرف عدد المساهمات : 624 تاريخ التسجيل : 16/09/2010

الحمد لله ان الموضوع عجبك
وربنا يسترها معانا بقى لحسن البلد بقت حالتها صعبة ع الاخر

أميرة الصمت كتب:: الحمد لله ان الموضوع عجبك
وربنا يسترها معانا بقى لحسن البلد بقت حالتها صعبة ع الاخر

يارب وبعدين كل المواضيع بتعجبني مش دة بس ... بس شكل فى ناس تانية هتيجي معايا وانا رايح اعمل عمرة

مبرووووووووووووووووووووووووووووك يا اميره الادمن هيحجزلك معاه في العمره
مع الف سلامه يا جماعه

موضوعك حلو يا قمرايه دمتي بود

دمعه القدس كتب:: مبرووووووووووووووووووووووووووووك يا اميره الادمن هيحجزلك معاه في العمره
مع الف سلامه يا جماعه

موضوعك حلو يا قمرايه دمتي بود

وانتى مش جاية يا دمعة ولا اية ؟؟؟؟؟؟

Admin كتب:

دمعه القدس كتب:: مبرووووووووووووووووووووووووووووك يا اميره الادمن هيحجزلك معاه في العمره
مع الف سلامه يا جماعه

موضوعك حلو يا قمرايه دمتي بود

وانتى مش جاية يا دمعة ولا اية ؟؟؟؟؟؟

لالالالالالالالالالالالالالالالالالالالالالالا انا مش ناويه
رحوا انتم بالف سلامه وان شاء الله ترجعوا علي خير

» كندا تسعى لمنع المنقبات من الصعود للطائرات