بعد الهدوء والاستقرار الذي ساد البلاد ,,قررنا نحن _المهييسين_ان نطالب بحقنا في هذه البلد
و نهيب بالمسئولين الانحياز لهذه المطالب فهي اقل شئ يحصل عليه اي مهيس في اوروبا والدول المتقدمه
1- نطالب بسجاير مدعمه (اشمعنا فيه عيش مدعم وبنزين مدعم؟؟)
وتكون السيجاااره المدعمه طوييييييييييله وتعمل دماغ حلوه
والسجاير المصري تنضف شويه ..عيب لما نبقي في بلدنا ونشتري سجاير اجنبي
والتبغ ينضف شويه وبطلوا العك بتاع نشاره الخشب
والسيجاره تتلف بضمير ,,,عيب يا جماعه كل علبه الاقي نصها ملفوف غلط
أو ممكن تبيعوا التبغ لوحده وورق البفره لوحده
و احنا نلف بمعرفتنا
و مكافحه المخدرات تخف شويه ..في ستافات عاليه مش عارفين ندخلها البلد بسببكوا
2- نطالب ان تكون المحاضرات اون لاين بدل ما نروح الكليه
وتكون بغياب _مش مشكله_
ويكون لكل دكتور منتدي
ووقت المحاضره ..كله يبقي اون لاين عشان ما يتكتبش غياب
واللي يبقي اون لاين و
idle
الدكتور يعملوا بلوك من المحاضره ويكتبوا غياب
و لو الدكتور استهبل وادانا حاجات كتير وملحقناش نذاكر ,,حد يبقي يعملوا هاك علي ما نخلص مذاكره
وبعد كده نرجعله الاكونت عشان يدينا المحاضره الجديده
3- نطالب بكليه للمنفضين و المطنشين
الناس اللي تخلفوا عن امتحانات الثانويه بدل ما نخليهم يعيدوا السنه ,,ندخلهم فيها
اللي يروح مرتين في الشهر ,,يتبعتلوا انذار
واللي يروح اكتر من 3 مرات يتحرم من دخول الامتحان
والعميد بتاع الكليه _محدش عارف شخصيته_ عشان منفض وعمره ما راح
ولو اتكشف ,, يتغير فورا
4- صوره البطاقه ياريت تشوفوا حل فيها
ممكن تعملوها صور ثلاثيه الابعاد
3D
و الناس امثال تامر حسني
يتصور ب (قفاه) في البطاقه
ويبقي قفاه
3 D
او ممكن نكتبلهم سيس بدل ما نكتب ذكر
5_ نطالب برفع طلب لاداره الفيس بوك
لتحديد استخدام الفيس بوك في مصر
_ العيال السيس والناس الكبيره اللي في سن الضياع _
كتروا اوي بعد الثوره
يبقي سن المستخدم من 16-25
واحده عندها 30 سنه ,,داخله تعمل ايه يا جدعان
و لازم يبقي مع المستخدم لغه عشان العيال السيس
ههههههههههههههههههههههه
عجبنى قلت يمكن يعجبكوا
موضوع: مطالب المهيسين بعد الثورة 
الأربعاء 6 أبريل 2011 - 16:27
