عايش ... وللا مش عايش

إستشهادى قيد التنفيذ كتب:

أنا بقى فى الأول كنت من الجزيرة التانية الهئ و الدربئ و الروشنة و الحظ و الدماغ و الكلام ده كله

بس الحمد لله ربنا هدانى و دى نعمة كبيرة من ربنا

دلوقتى بقى أنا عايش فى الجزيرة الأولى اللى كلها ضحك و حب و فرفشة بس فى طاعة ربنا

يعنى بنضحك و بنلعب و بنتفسح و ناخد حسنات

ده أوكازيون ياخوانا و الله

إحنا لو عيشنا حياتنا كلها زى ما ربنا أمرنا هنحس بسعادة لا توصف

و فى بعض الناس بتقولك ده أنت كده بتعقدها و أنت لسه شباب خلينا نعيش شبابنا مع إن كلامهم غلط بس أنا عاوز أقولهم حاجة

الواحد مننا لو عاش 100 سنة ده بيساوى عشر يوم من أيام الآخرة

يعنى اللى مش هامه إنه بيغضب ربنا

بيبيع الآخرة كلها علشان عشر يوم

فيها أيه لما أعقد نفسى يعنى فى الدنيا ( مع إن الكلام اللى بيقول الإلتزام تعقيد ده غلط بس خلينا معاهم للآخر ) علشان أخش الجنة فى الآخرة و أتمتع بنعيمها

موضوع جميل يا كبير جزاكم الله خيرا

أخويا الغالى احمد
استشهادى قيد التنفيذ

جميلة رحلتك ومفيدة
وكلامك رائع

أحسنت وصف جزيرتك ... تحية لأسلوبك وياريت تكمل وصف انا مغيرتش لسة
ياللا يابنى مش مبسوط وللا ايه


مستنى تكميلك

مسلمه كتب:

السلام عليكم ورحمة الله وبركاته
موضوع رائع يا استاذ مصطفى
انا الحمد لله من البدايه وانا على الجزيرة الاولى
بس يا رب الثبات
مع ان اكيد اللى كانوا على الجزيرة التانى واتنقلوا للجزيرة الاولى ثوابهم اكبر
بس للسه على الجزيرة التانيه وما وصلش للجزيرة الاولى
بقولهم والله السعادة فى القرب من ربنا وعن تجربه الواحد لما بيبعد عن ربنا بيحس انه هوه تايه ومخنوق بس مش عارف ليه ومن غير سبب
وممكن لو سمحتم اطلب طلب صغير بس
للى لسه على الجزيرة التانيه ياريت لو تجربوا يومين بس وانتو مع ربنا وعايشين ليه
اكيد والله هتحسوا ان السعادة اللى كنتم فيها دى مش حقيقيه
وان اللى ربنا فرضه واللى احنا بنفذه دة مش تعقيد
بالعكس والله دة منتهى السعادة

الغالية مسلمة ... إحساسك بجزيرتك جميل
وباين فيه انك من اهلها بالاصل مش مستوطنة كمان

يسلم كيبوردك ... وياريت تجاوبينى على السؤال اللى سألته لدمعة القدس
وكملى معانا
ودمتى بخير

بس انا مش مع ان الجزيرة التانية تجرب عندنا يومين

لازم اللى يدخل الطريق دا يكون مقتنع بيه ومصمم إنه يعيش فيه حياته لحد ما يوصل للآخرة بسلام ثم جنات الرحمن

وللا أقولك خليهم يجربوا من باب ولكن ليطمئن قلبى
بس بشرط يكونوا عايزيين فعلا يشوفوا دا ... ويكونوا منصفين ويدوا نفسهم فرصة أنهم يسمعوا ويفهموا ويحسوا للآخر
وساعتها فعلا هيستمروا ومش هيقفوا ابدا
لأن من ذاق عرف
ومن عرف .. مش ممكن يفرط فى السكة دى ابدا
ودمتى تانى بخير

قطر الندى كتب:

تعليقاً على عنوان الموضوع عايش ولا مش عايش

فقد قال الإمام على بن أبى طالب كرم الله وجهه

الناس نيام فإذا ماتو انتبهو

الاخت الغالية قطر الندى

صدقتى تماما واحنا هدفنا نعرف الناس الحقيقة دى
دمتى بسعادة وخير

رحيق الجنة كتب:

السلام عليكم و رحمة الله و بركاته ..

أولاً : جزاكم الله خيراً كثيرا ع المجهود ده و الكلام الجميل ده ..
ثانياً ..الحمد لله أنا من أهل الجزيرة الأولى ..
لكن المشكلة لما تلاقى نفسك كل شوية تدخل الجزيرة التانية غصب عنك ..
وترجع تانى لمكانك لأنك عارف ان ده الصح و ده الأريح وده الأجمل ..
بس المشكلة ان التغيير مش سهل ..
المشكلة بجد فى الصحبة الصالحة و السوء ..
الناس المحيطين دول أكبر عامل على صلاح النفس
فانا لما بعيش مع ناس من الجزيرة التانية .. ممكن اتوه معاهم ..بدل ما اجيبهم على جزيرتنا ..
هى أكيد دى مسالة إرادة .. و تثبيت من عند ربنا .. و قوة إيمان "يارب ارزقنا جميعاً إياهم "
لكن ناس كتير بتبقى مقتنعة ان اللى بتعمله ده غلط بس برده بتعمله ..
بجد انا حواليا ناس كتير من النوعية دى و مش عارفة اعمل معاهم ايه ..
مش عاوزة اسيبهم لأنهم بجد فيهم حاجات نضيفة اوى ..
وف نفس الوقت وأنا معاهم ساعات الغلط بيحتل الجميع ..
بجد نفسى اغيرهم و يعيشوا معانا ع الجزيرة الأولى لأنها أحلى بكتييييييييييير ..

..
وف الأخر أحب أشكرك بشدة أ.مصطفى على حسن كلامك ..
وربنا يتقبل منا جميعاً ..

الأخت الغالية رحيق الجنة

اولا شرفتى المنتدى والموضوع
واهلا بك ضيفة عزيزة وصاحبة مكان

ونتمنى اضافاتك المميزة على المنتدى واللى بدايتها خير ان شاء الله

ثانيا وتعليقا على ما قلتيه نرجع بأة تاني للون الازرق


طبعا كلامك رائع وانا بجد معجب بيه للغاية ... خاصة انه بيمس الواقع عن ناس كتير

لكن انا بجد شايف انه من الحاجات اللى تخلى الواحد يثبت ويخلى غيره يبقى يتمنى انه يبقى مكانه أو معاه ... هو انه يحس بسعادتنا بطريقنا ويلمسها فى ابتسامتنا الصافية اللى اقوى من الظروف والايام والاحداث
وكمان أنه يلاقى نفسه تايه واحنا عارفين رايحين فين ومنين ... عارفة ؟؟ شعر نزار قبانى اللى بيقول جئت لا اعلم من اين ولكنى اتيت
وأبصرت قدامى طريقا فمشيت
ومش عارف ايه فانحنيت ولا دريت ولا وعيت ولا مش عارف ايه
الشعر دا بيعبر عن ناس كتير للاسف موجودين فى الجزيرة التانية مش عارفين اتخلقوا ليه ولا ايه هدفهم ولا ايه رسالتهم ولا رايحين فين

فاللى بيمشى من غير ما يكون ليه هدف أو يكون على الاقل عارف رايح فين ... دا سهل جدا يقع لأن أى طريق هيمشيه هيكون بالنسبة ليه صح
أما اللى عارف يمشى منين ورايح فين
يوم ما يحود أو طريقه يتوه منه ... على طول بيلف أو يسأل لحد ما يرجع للطريق اللى بيوصله تانى لهدافه وطموحاته انتهاء بالجنة ونعيمها بعد رضا الله عليه

تفتكرى بأة مين اسعد اللى راكب اى مواصلة مش عارف توديه فين

وللا اللى عارف هو رايح فين

ودمتى بود وخير وسعادة وبركة

آه صيح نسيت أأكد على المعنى اللى انتى قولتيه ان الصحبة او الوسط اللى الواحد فيه دى اكتر حاجة بتساعده يا إما على الإنهيار التام أو العكس على البناء وتحقيق الذات

لكن دا مش مبررر لناس انهم يرمو الملامة على الصحبة

لأنهم دايما بإيدهم القرار أنهم يغيروا طريقهم
ودمتى بود

ميرو برنس كتب:

المنتدى كلوووووووووو ملايكة

ربنا يزيدكم

ياريت لوكان توبيك زي ده في منتدى مش ديني هيكون فيه
فايدة اكبر
والله الواحد يتكسف بينكم

مبريس اوووي يا استاذ ياااااااااا كبييييييييير

الغالية جدا والعزيزة والمشاغبة ميرو برنس

نورتى الدنيا ... بس أنا كنت مستنى منك تعليق اكبر من كدة
كدة مش نافع ... دا انا حتى منبه اول الموضوع ..لكن عموما انا هارد عليكى مؤقتا بس لحد ما تعملى مشاركة كبيييييييييييييييييييييييييرة

عموما أنا عايوز اقولك فى الاول ان المنتدى مش كلو ملايكة ولا حاجة
بس انا ممكن اقول إن المنتدى معظمه ناس عايزة ربنا وعايزة طريقه وعايزة ترتاح بقربه
ناس بتحب ربنا وحبها دا بترجم لفعل فى اخلاقها وكل تفاصيل حياتها
ولو هما مش كدة بيقى على الاقل على طول بيحاولوا يوصلوا لكدة


بس قليلي بجد كدة عيشتهم احلى وللا الجزيرة التانية

وقوليلي نفسك تبقى كدة وللا كلام ؟؟
مع انى مقدرش اقول انك مش كدة لكن دا كلامك عن نفسك

ولو نفسك تبقى كدة إيه اللى ما نعك أو ايه مأخرك

ليه متبدأيش فورا

وتعيشى مع الناس اللذيذة دى اللى فرحانه على طول ومرتاحة وقلبها حلو وبتحب ربنا

فكرى وردى رد كبيييييييييييييييييييييييييييييييير
ودمتى بخير وسعادة يا ميرو برنس يا مشاغبة
بس مش مشاغبة متعبة أبدا
مشاغبة وخلاص من غير أى معنى سلبي
والسلام

لؤلؤة بحجابى كتب:

السلام عليكم ورحمة الله وبركاته
انا بقا يا جماعة من الجزيرة الاولى
فى حاجات كتيرة اوى بتخلينى اكون سعيدة ومبسوطة
منها مثلا
لما بعمل طاعة معينة انا كنت مقصرة فيها واواظب عليها
لما اكون متفوقة ف دراستى "غير متوفر حاليا"
لما تكون علاقتى حلوة مع اصحابى ومع الناس علاقة قائمة على الحب والحترام والثقة
لما بقعد مع اصحابى ونفضل نتكلم ف شؤؤن الحياة ونضحك ونهرج ونعمل كل اللى عايزينه
لما احلم حلم معين وافضل ادعى ربنا انه يحققه ويتحقق
لما اتفكر فى نعم الله عليا واحمد ربنا عليها
لما اكون بعمل ذنب معين وربنا يهدينى وابعد عنه
لما اكون ضايقت حد او غلطت ف حقه غصب عنى واعتذر له ويسامحنى
لما يكون عندى قدر كافى من الثقة بالنفس " برده خارج الخدمة حاليا "
لما حد يقولى عيب فيا هوه شايفة اما انى اثبتله ان العيب ده مش فيا ولو فيا اقدر اصلحه فعلا بحترم الناس دى جدا وبنبسط جدا اى نعم بتضايق ان العيب ده فيا بس بكون سعيدة انى قدرت اتغلب عليه وان فى حد نصحنى
لما احس انى مجرد بمثل اهمية بالنسبة لاى حاجة مش كبر او كده لأ مجرد بس انى احس ان الحاجة اللى بعملها مهمة مش بتكلم ع الناس بس وع ربنا كمان لما احس انى عملت عمل رضيت بيه ربنا
انى اقفل المنتدى واقوم دلوقتى احسن اخويا الصغير ياكلنى
هههههههههههههههههههههههههههه
لما افتكر حاجة تانية هاجى اقولها
تمام
يلا فى رعاية الله

الغالية لؤلؤة بحجابك

زانك الله خير زينة فى الدنيا والآخرة

أولا ترحيب خحار على مشاركتك المتميزة والفعالة والواضحة والمحددة فى الموضوع
وباقولك احسنت بحق
ثانيا كل اللى قلتيه كلام رائع
بس انا عايزك تنقلي الإحساس نفسه هلى انتى فعلا بتبقى كدة سعيدة وروحك طيرة من الانبسلاط بأة وللا لو رحتى الجزيرة التانية ممكن تكونى أكثر سعادة
مش شرط تغلطى اوى
كفاية تغلطى نص نص
يعنى مثلا تلبسي اللى نفسك فيه وتتباهى بنفسك كأنثى بأة
وبعدين تخلى علاقاتك اوبن كدة وتخرحجى من القمقم
وتهزرى بدون قيود
بجد بجد
منفسكيش فى دا

ها ؟
دا تساؤل حد من البر التانى وعايزله اجابة منك .. ؟ ممكن وللا انتى سعيدة كدة وخلاص مع انك مجربتيش الناحية التانية ؟؟؟
ودمتى بخير وسعادة

بارك الله فيك يا استاذ مصطفى

كلامك بجد رائع لي يقرا كلام حضرتك و يطبقو والله هيعيش في سعادة

تحليل رائع نفعنا الله بعلمك

حلا الجنة كتب:

جزاك الله خيرااا

انا عايشة ومش عايشة لاني بين الجزيرتين مش عارفة استقر لا هنا ولا هنا حاااااجو عقد


بس والله الجزيرة الاولي هي السعادة يارب اكون دايما فيها يارب ثبتنااا


ربنا يكرمك يا استاذناااااا الكبيييييييير

بس سمع هوووووووس
أسمع سلام كبير كدا للعضوة المتميزة حلا الجنة


نورتى الموضوع

بصي باة ياسيتى كلام فى الموضوع على طول

أنتى لو لسة محستيش بالسعادة وانتى على الجزيرة الاولى يبقى لسة معشتيش عليها
انتى بس قربتى منها
لكن مدخلتيهاش

الجزيرة الأولى مش مجرد مظهر وللا حركات باديها وعبادات بقوم بيها
لا .. دا احساس وأسلوب حياه ... يوم ما الاحساس دا يدخل قلبك .. اللى هو حب ربنا وحب طريقه ... ساعتها بجد هتبتسم دنيتك فورا ... وهتحسي أن اى حاجة فى سبيل الله هينة وتافهة

بالعكس دا الصحابة كانوا بيستعذبوا العذاب فى سبيل الله ... يعنى كانوا بيستمتعوا بيه
عشان كانوا عارفين إن دا بيحصلهم عشان ربنا
وإن دا بيرضي الله عنهم
ودا كان بيثبتهم
ودا اللى لازم تحسيه وتبقيه
لازم تحبي ربنا صح .. بعدها تهون الدنيا عشانه ... وافتكرى دايما حديث الرسول .. (( من أسخط الله فى رضا الناس ،سخط الله عليه وأسخط عليه من أرضاه فى سخطه ، ومن أرضى الله فى سخط الناس رضي الله عنه وأرضى عنه من اسخطه فى رضاه )) فاهمة الكلام الرائع دا
أكيد فاهمة

اتعلمى عن ربنا وقربى منه واسمعى للداعية مصطفى حسنى مثلا سلسة كانك تراه أو غيره أى حد بتكلم عن معرفة الله
ويوم ما تعرفى ربنا صح ... هتلاقى حياتك اختلفت
وهتبقى عايشة
وهتنسى كلمة مش عايشة
وهتبقى على الجزيرة الاولى بحق .. حاسة باللى حاسين بيه وفاهمة اللى فاهمينه

واعرفى أن أحسن حاجة فيكى انك قررتى انك تروحى لربنا ... أوعى تخسري احسن حاجة فيكى .. اوعى ترجعى أو تضعفى أو تلينى .. أنتى فى الطريق الصح

ودمتى فى ثباااااااااااااااااااااااااااااااااااااات
وشكرا

دينا كتب:

بارك الله فيك يا استاذ مصطفى

كلامك بجد رائع لي يقرا كلام حضرتك و يطبقو والله هيعيش في سعادة

تحليل رائع نفعنا الله بعلمك

الغالية دينا

جزاكم الله خيرا على المتابعة المستمرة

بارك الله أيامك ومتعك بالسعادة فى الدنيا والآخرة

بس برضه لسه مستنى مشاركتك الكبيرة واجاباتك على الاسالة

ودمتى بخير وسعادة

انا فعلا لما بكون ف الجزيرة الاولى بكون طايرة من الفرحة
وسعادتى بتكون متتوصفش
وبحس انى انا بكون سعيدة بأى حاجة تحصل حتى ولو بسيطة
بحس ان ربنا ألقى الطمئنينة الى قلبى وراحة البال فبكون سعيدة جدا

اما بالنسبة للبس وكده
الحمد لله شوشو بقالوا كتير مبيلعبش معايا ف الحتة دى
لأنى فعلا بحس ان ده هوه الاكرم ليا والاجمل ليا والا ربنا مكنش فرضه عليا
والحمد لله ربنا هادينى بالنسبة للنقطة دى

اما بقا بالنسبة لحكاية
وبعدين تخلى علاقاتك اوبن كدة وتخرحجى من القمقم
وتهزرى بدون قيود

فانا بحس انى مزوداها اوى ع المنتدى وبهزر جامد رغم ان ده طبيعى عمره ما بيحصل ف الحقيقة
وغالبا ده بيحصلى لما بكون مخنوقة من حاجة معينة
بحس انى عايزة اضحك وخلاص
رغم انى مبكونش بضحك ولا حاجة وبكون نفسى اعيط من اللى بعمله
وفعلا بحس بخجل جامد ومبرضاش عمرى عنه
وبفضل استغفر ربنا انه يسامحنى
وبعدين ساعات الشيطان يفضل يلعب ف دماغى ويقولى مش حرام هوه انتى قلتى حاجة
ربنا عارف باللى بتقوليه وكده يعنى
فاكتر حاجة بتحسسنى بتأنيب ضمير ان لو زوجى المستقبلى قرأ الكلام ده هيرضى عنه
معرفش انا خرجت عن الموضوع ولا لأ
بس يا جماعة بجد الواحد لما بيحس انه قريب اوى من ربنا
بيحس بحاجة تانية خالص
اه اللى ف الجزيرة التانية بيضحكوا وبيهزروا وبيلعبوا وكل الكلام ده
بس بيحسوا ان فى حاجة نقصاهم هما مش عارفين ايه هيا ؟
بس الحاجة دى انهم يقربوا من ربنا
لو فى حاجة غلط ف كلامى حد يعرفنى
ويا ريت حد ينصحنى ويدعيلى

أنا طبعا فى البداية لازم اصقف للؤلؤة جامد على التفاعل العالى

وبعدين انا عايز اتكلم كتير حوالين اللى هيا قالته وللا أوجهلك الكلام
يبقى خلينا نعلق على اللى انتى قولتيه فى الاول ان ربنا هاديكى والشيطان ( متدلعوش ليطمع فيكي ) ما بيلعبش فى راسك بالنسبة للموضوع دا
وانتى كمان شايفة انه اكرملك وانا كمان
عايز باة اعلق على كلمتينك التانين بتوع الاوبن توك يعنى الكلام المفتوح


أنتى أصلا جاوبتى على نفسك ... لازم عشان تكونى مستريحة متعمليش حاجة ( حتى لو صح ) تكون هتسببلك أى ضغط نفسي

بلاش نعمل اى حاجة حتى لو كانت لذيذة وممتعة لحظيا .. وبعدين اندم بعد كدة ... ولا خير فى لذة يعقبها ندم
أنتى مخرجتيش عن الموضوع ابدا ... أنتى اتكلمتى فى صلبه
والسعادة تتحقق ازاى وفى اوقات بتمر على الواحد وهو مخنوق ومش قادر يتحمل الضغوط
صعب الإحساس دا

بس طبعا انا عشان ارد عليكي بتفصيل محتاج تفاصيل
لكن عموما
أنا عايزك ترسمي حياتك بنفسك ... الاحساس بالحزن أو الكآبة سببه كذا موضوع اهمهم أن الواحد يبقى الدنيا بتسوقه وهو حاسس بالفراغ مش شرط فراغ الوقت
ممكن فراع روحانى نابع من عدم اتصاله بالله .. يمكن فراغ شخصي من ان الواحد بعيد عن مواهبه وتحسين شخصيته وميحاسبش نفسه ويطورها من الوقت للتانى
ممكن يكون فراغ او تقصير دراسي او مهنى
او عائلي نابع من عدم الاتصال بالعائلة
يمكن يكون مادى من قلة الفلوس ودا عند 40 % من الشعب المصري تحت خط الفقر
وممكن يكون من ضعف الصحة او اختلال نظرة المجتمع ليكي
أو او
وكل دا ممكن يسبب الاحساس بالضيق والملل وضعف الثقة بالنفس وحاجات تانية كتير

وباختصار الحل فى التوازن
ولازم زى ما قالت قطر الندى فى واحدة من تعلقيتها ان احنا نعرف المرض من الاساس وبعدين نعالجه نقوم نلاقى اثاره اتعالجت
طيب تعملى ايه بعد اللك الكتير دا ؟؟؟

أولا :: حددي المشكلة فين
ثانيا :: ابداى اقري عن المشكلة واتعلمى عنها واحضري دورات .. مثلا لو المشكلة ضعف الثقة بالنفس يبقى تحضري دورة عن الثقة بالنفس وهكذا
ثالثا :: خدى قرار سريع انك تغيري عادة سلبية انتى بتعمليها ونفذي
وبعدين حاجة تانية
وهكذا
ساعتها هتلاقى حياتك لونها بيختلف
وهتدخلى تقولى
أنا ابتسمت شكرا
ودمتى بخير وود
وربنا يريج بالك
اللهم آمين

مصطفى عزب كتب:

ميرو برنس كتب:

المنتدى كلوووووووووو ملايكة

ربنا يزيدكم

ياريت لوكان توبيك زي ده في منتدى مش ديني هيكون فيه
فايدة اكبر
والله الواحد يتكسف بينكم

مبريس اوووي يا استاذ ياااااااااا كبييييييييير

الغالية جدا والعزيزة والمشاغبة ميرو برنس

نورتى الدنيا ... بس أنا كنت مستنى منك تعليق اكبر من كدة
كدة مش نافع ... دا انا حتى منبه اول الموضوع ..لكن عموما انا هارد عليكى مؤقتا بس لحد ما تعملى مشاركة كبيييييييييييييييييييييييييرة

عموما أنا عايوز اقولك فى الاول ان المنتدى مش كلو ملايكة ولا حاجة
بس انا ممكن اقول إن المنتدى معظمه ناس عايزة ربنا وعايزة طريقه وعايزة ترتاح بقربه
ناس بتحب ربنا وحبها دا بترجم لفعل فى اخلاقها وكل تفاصيل حياتها
ولو هما مش كدة بيقى على الاقل على طول بيحاولوا يوصلوا لكدة


بس قليلي بجد كدة عيشتهم احلى وللا الجزيرة التانية

وقوليلي نفسك تبقى كدة وللا كلام ؟؟
مع انى مقدرش اقول انك مش كدة لكن دا كلامك عن نفسك

ولو نفسك تبقى كدة إيه اللى ما نعك أو ايه مأخرك

ليه متبدأيش فورا

وتعيشى مع الناس اللذيذة دى اللى فرحانه على طول ومرتاحة وقلبها حلو وبتحب ربنا

فكرى وردى رد كبيييييييييييييييييييييييييييييييير
ودمتى بخير وسعادة يا ميرو برنس يا مشاغبة
بس مش مشاغبة متعبة أبدا
مشاغبة وخلاص من غير أى معنى سلبي
والسلام

الاستاذ الغالي جدااااااااااااااااااااااااا الاستاذ مصطفى

انت قولت اقول راي وانا حقووول وما ليش دعوة

هوصف الجزيرة التانية لي كلها سعادة حياة فري خالص

ما فيش عقد ما فيش هموم ما فيش زعل

هقوول للبنات المحجبيين مثلا مش نفسك كل الناس تشوف جمالك وتشوف صفاتك ويقولووووووووووووو وااااااااااااااااااااو بنت تهبل

دي حاجة وحاجة تانية اللبس يعني اللبس عند المحجبين معين

الجزيرة التانية كل اللبس معلش ما حدش يقدر يقول غير جميل

وحاجات تانية كتييييير غير الفسح والرحلات لي ما تتنسيش

هقول بقى مثال واقعي معانا بنت تحجبت معلش لي لي هتكلم عنك شوية بس

دي بنت اخر روشنة وكل الشلة بتحبها جداااااااااااااا

المهم يا حبايب قلبي البت اتحجبت واتعقدت وجابت المصايب كلها على دماغها

وحرمت نفسها من حاجات كتيييير الشلة كلها اتصدمت بيها

واخر رحلة كانت البحر والبت احسن واحدة تعوم فينا تخيلو بقى ما نزلتش البحر

بقى ممكن حد يقول اني جزيرة اجمل حياة الفري والروشنة ولا حياة السجن

سوري قولت كل لي في قلبي

بس انا بصراحة اتفاجات بحاجات جميلة عندكم هنا في المنتدى ناس مش معقدة بالعكس جميلة خالص

بس بردو فيه بنات معقدة

اننا مستنية يا باندهههههههه يا ردود من كل لي ليهم وجهة نظر مقنعة

انا اتمنى كلنا نتحاور وكل حد يقول رايو لي في قلبو مش كلام يتكتب وبس

زي الاستاذ الكبيييير والكبيييير اووووووووووي مصطفى بجد شخصية مميزة

ميرسي اوووووووي لي سبتوني اتكلم ولو عاوزين تمسحو كلامي ما يضرش

انا لسا عندي كلام كتييير في الجزيرة بس كده كفاية شفتو بقى انا مشاغية اد ايه هههههههههههه

وسلاااااااااااامو عليكم يا اجدع ناس

أيوة كدة يا ميرو
هو دا الكلام
كملى إحنا عايزين نتعرف على الجزيرة التانية اكتر
والردود مفتوحة لكل الاعضاء بس بدون حجر على راى حد .. كل واحد يعبر عن وجهة نظره بدون تجريح فى اى حد ..وبكل شفافية

كملي ياميرو

وياللا يا لؤلؤة

معاكى كارت بلانش

وكل المنتدى
ندخل وياريت منردش على بعض .. يهمنى اهم من كدة كل واحد يتكلم عن نفسه وسيبولى الردود فى الاخر

ودمتم بخير وود وبركة

[quote="قطر الندى"]

اقتباس :

أخى الفاضل / أستاذ مصطفى

جزاك الله خيراًعلى الرد ونحمدالله على عودتك سالماً

وصلى الله على سيدنا محمد هى فعلاً أحاديث صحيحه وانا عارفه ان النبى عليه الصلاة والسلام قال خالط الناس واصبر على أذاهم ولكن عارفه برضو انه عليه الصلاة والسلام عندما تحدث عن إندلاع الفتن أوصى من لم يأمن على نفسه الفتنة من الصحابة بالعزله كما ورد فى حديث أبى هريرة رضى الله عنه
انه قال قال رسول الله صلى الله عليه وسلم ( ستكون فتن القاعد فيها خير من القائم والقائم فيها خير من الماشى والماشى فيها خير من الساعى ومن تشرف لها تستشرفه
فمن وجد فيها ملجأً أو معاذا فليعذ به ) وبسبب هذا الحديث عندما اشددت الفتنة فى زمن أبى هريرة اعتزل الناس فهل نحن نأمن الفتنة على أنفسنا أكثر من أبى هريرة
هل نحن أفضل من أبى هريرة وهل زماننا هذا أفضل من زمان أبى هريرة
وليتها تقف عند هذا الحديث فقط ولكن ورد أيضاً أنه صلى الله عليه وسلم كان يتحدث عن اندلاع الفتن فى الامة فسأله سيدنا حذيفة رضى الله عنه وارضاه
وقال له فبما تأمرنى يا رسول الله إن أدركنى ذلك قال تلزم جماعة المؤمنين وإمامهم قال حذيفة فإن لم يكن لهم جماعة ولا إمام قال صلى الله عليه وسلم ( فا اعتزل تلك الفرق كلها ولو أن تعض بأصل شجرة حتى يدركك الموت وانت على ذلك) وهذه أيضاً أحاديث صحيحه
وانا ما اقدرش أقول انى قابلت 100000 واحد وحش لكن أقدر أقول ان 95% من اللى عرفتهم بيدعو الالتزام و3 % ملتزمين بصدق و2 % على حسب وقتهم ساعه مع دول وساعه مع دول وأهى ماشيه وطول ما الحسبه كده يبقى ما فيش تكافؤ
انا ما عنديش مانع أتغير بس بشرط ان يتغير كل اللى حواليه معايا فى نفس الوقت وإلا مش حا يكون لتغييرى أى لزمه ايه فايدة انى اتغير وكل شئ حواليه ثابت
عموماً عشان ما اطولش عليك اكتر من كده انا خلينى فى عرض البحر زى ما انا خصوصاً بعد ما طلع بحر النجاه كله أمل وسعاده وحب وإيمان وطاعه هو انا
حا اعوز ايه اكتر من كده كفايه أقسم ساعات يومى فى السباحه ما بين الامل والحب والسعاده والطاعه والايمان احسن من الحياه على جزيره مليانه ناس ضايعين أو جزيرة اكتر الناس اللى فيها بيدعو الالتزام وهما ما يعرفوش معناه
وانا بقدم لكم دعوه تعالو انزلو معايا بحر النجاة احسن من الجزيرتين المزيفتين دول بس أهم حاجه تكونو بتعرفو تعومو عشان تعرفو إزاى توازنو بين الامل والحب والسعاده والايمان والطاعه عشان ما فيش واحده منهم تغلب على الباقيين واللى ما بيعرفش يعوم يخليه مكانه عشان التيار بيسحب وممكن يرمى بيه على شاطئ مهجور مليان حيوانات مفترسه
انتى يا ميرو انتى ودمعة القدس خليكو مكانكم ما تجوش ورايا عشان انا عارفاكم ما بتعرفوش تعومو

جزاكم الله خيراً واعتذر على الاطاله

بسم الله والصلاة والسلام على رسول الله وبعد
الغالية قطر الندى

طبعا تحية جامدة للتواصل الفعال

وبعدين :: برضه أنتى مش عايزة تلينى أبدا بخصوصك قناعاتك .. ودا غلط كبير .. بدون الدخول فى امور فلسفية معقدة ومع التحفظ الكامل على الاحاديث اللى انتى قولتيها .. لأن معناها مش زى ما انتى بتقولى
يعنى مثلا ربنا بيقول (( يا أيها الذين آمنوا عليكم أنفسكم لا يضركم من ضل إذا اهتديتم )) هل دا معناه تعطيل الدعوة إلى الله
أنتى بس فهمتى الاحاديث دى غلط خالص
العزلة منهى عنها وطول ما الواحد فيه نفس بيتردد لازم يجاهد .. ولازم يغير .. ولازم يمد إيده بطوق النجاه للناس الغرقانين

وبعدين يعنى ايه معندكيش مانع تتغيرى بس لما كل الناس تتغير

لاء طبعا غلط جدا
أنت بأة ساعتها هتوصلي لفين

متربطيش نفسك بالناس أبدا
لأن دا أكبر غلط
ودايما تقررى تكونى اول الصف
واللى بعيد دورك انتى تقربيه

وبعدين مين قال ان الجزيرة اللى احنا بنتكلم عنها دى فيها ناس التزامهم مزيف
اللى انتى اتصدمتى فيهم اللى هما عدد بسيط جدا مش مؤشر أبدا للملتزمين .. يمكن انتى عرفتى الناس دول غلط .. أو انتى طرقة انتقائك ليهم كانت غلط

يبقى الصح أنك تدورى صح .. مش تعممي حكمك على كل الملتزمين وتبوظى سمعة الجزيرة بتاعتا ... الحلوة اللذيذة اللى انتى هتيجى فيها عشان نتونس بيكى إن شاء الله
خدى انتى بس قرار جريء فإنك متعمميش حكمك على طائفة أو فئة
لو حد بيقول كدا ..بلاش يكون انتى .. لأن انتى اكبر وأعقل من كدة
لا يا قطر الندى
راجعى نفسك تانى
أنتى برفضك للمجتمع تبقى ارتكبتى غلطة كبيرة

وانا مش نازل البحر زى ما انتى قولتى
لأن محدش بيعيش فى البحر
البحر دا وسيلة
مش غاية
وسيلة توصلنى للجزيرة اللى انا عايزها
وبعدين بحرنا غير البحر اللى محاوط الجزيرة التانية
كله بأة نكد وهم وتخدير للذات ونفاق وكلام بأة من اللى انتى بتقولى انك قابلتيه
بلاش بأة عند
وانزلى الجزيرة خلينا نكمل العدد

أنا عارف أنك ليكى طموح جميل لكن الطموح دا بالنظرة بتاعتك دى ... مش ممكن يتحقق ولو بعد مليون سنة
لازم بأة تتغيرى
ومالكيش دعوة بحد حواليكى

كل نفس بما كسبت رهينه

وبعدين ييجى دور
إدعو إلى سبيل ربك بالحكمة والموعظة الحسنة
مش كدا وللا ايه ؟

ودمتى بود وسعادة

الغلية قطر الندى
تحية ليكيى جامدة وبعدين
انا قولت قبل كدة ورديت على الموضوع دا بلتفصيل فى سياق الردود على باقى الاعضاء
لكن خلينى أقولك إنى عندى طريق للسعادة فى وسط كل المعمعة دى
وعندى الطريق اللى ممكن نبتسم بيها فى وسط المشاكل والهموم اللى بتصيبنا

وحاجة منهم بسيطة إرجعى لموضوع جنة قبل جنى فى قسم حياتى كلها لله

هتلاقى فى احد وسائل السعادة

بس طبعا لو المشكلة شخصية إبعتيهالى وشوفى هتتحل وللا مش هتتحل

لأنى مش هاقدر اجاوب ابدا على حاجة جواكى أنا ما اعرفهاش
وياريت لو كنتى قريبة من الزقازيق
وتشرفينا فى الامسية عن طريق السعادة

كنتى هتلاقى إجابتك لايف

عموما لو عندك مشكلة خاصة مسببالك الشعور دا
ابعتيهالى

وإن شاء الله حلها عندى .. وما جعل الله من داء إلا وجعل له دواء

ودمتى بود

واذكري قول الله عز وجل ((يا أيها الذين آمنوا استجيبوا لله وللرسول إذا دعاكم لما يحييكم ))وشوفى معنى كلمة حياة
هتلاقى دا مفتاح الموضوع

عايش وللا مش عايش

طبعا

لو عملت بالآية دى
هبقى مش عايش

هبقى حي
حي
الله على الحياة فى طاعة لله

ودمتى فى حياة

بسم الله الرحمن الرحيم
نسأل لله العظيم رب العرش العظيم أن يشفي والدة أختنا قطر الندى
سأل لله العظيم رب العرش العظيم أن يشفي والدة أختنا قطر الندى
سأل لله العظيم رب العرش العظيم أن يشفي والدة أختنا قطر الندى


اللهم رب الناس أذهب البأس اشفى انت الشافى لا شفاء إلا شفاؤك شفاء لا يغادر سقما
اللهم رب الناس أذهب البأس اشفى انت الشافى لا شفاء إلا شفاؤك شفاء لا يغادر سقما
اللهم رب الناس أذهب البأس اشفى انت الشافى لا شفاء إلا شفاؤك شفاء لا يغادر سقما



دعواتى الحارة لوالدتك الغالية ... أدام الله عليها فضله وأسبغ عليكن ومن تحبان كرمه ومنه وجوده... اللهم آمين


يقول رسول الله صلى الله عليه وسلم ((( عجبا لأمر المؤمن فإن كل أمره له خير .. وليس ذلك إلا للمؤمن ،، إن أصابته سراء شكر فكان خيرا له ، وإن أصابته ضراء صبر فكان خيرا له ))صدق رسول الله صلى الله عليه وسلم

ودمتى بود وبخير وأمل وسعادة

ونأمل فى استمرارك معنا متفائلة راضية واثقة فى الله عز وجل