شوفتوا اللى حصل ؟؟!!

اللي ما شافش اللي حصل النهارده في جامعه الزقازيق يتابع معايا الحكايه
كان المفروض ان النهارده المهرجان السنوي الثالث لطالبات الاخوان المسلمين.مهرجان فني وتحت فني دي ألف خط يعني اناشيد اسلاميه وعروض للأطفال.يعني مش هنقول كنا عاملين مظاهره حتي ولا مسيره عشان يحصلنا اللي حصل
اللي حصل بقي اننا فوجئنا ببلطجيه ودي اقل كلمه في حقهم والله.آل ايه جايين وعايزين يلعبوا كوره

وطبعا مش سكتوا ضرب وخناقات مع الأخوه
وكسروا زجاج باب كليه تمريض وطبعا عشان يتهموها في الاخوان
اما البنات بقي فكان ليهم من الحب ده نصيب برضه غرقوهم ماء بخراطيم بالظبط كأننا في الشتا والجو بيمطر بس هنا الأمر مختلف السما مش كانت بتمطر ماء بس دي كانت بتمطر زجاج وطوب كمان
م الاخر اللي عايز يتخيل صوره اللي حصل النهارده بالظبط يفتح نشره الاخبار ويشوف اللي بيحصل في فلسطين حرب والله
انا بقي عايزه اعرف سبب ده كله ايه?: 1‏_ياتري فعلا احتفالا بالعيد وقالوا موعد الاستحمام السنوي لينا فيرشوا ماء 2‏_عايزين يلعبوا كوره فعلا واحنا اللي غلطانين 3‏_وقاحه وقله أدب وتربيه. والأمن نايم في العسل وكأنه بيتفرج علي فيلم كوميدي وطبعا انا أميل للاختيار الثالث
وأخيرا عشان لؤلؤه مش تزعل بنتوجه بطلب للأستاذ مصطفي يرفعلنا قضيه للثأر من اللي رمي ماء علي موبايل لؤلؤه. الثأر الثأر للموبيل الغلبان. بقلم /أميره الصمت

يا بنتي امن ايه ده
دول كلاب والله ,,,,,,,,,,,,, والله دول ما رجاله
لانهم شايفينا وشايفين كل اللي بيحصل وواقفين بيتفرجوا
مش عارفه بيتفرجوا علي خيبتهم ولا ايه
ولا علي فيلم اكشن من اخراجهم وتنفيذ شويه عيال صيع وفاشله
ربنا ينكد عليهم زي مانكدوا علينا
حسبي الله ونعم الوكيل
اللهم اننا مظلمون فانتصر,,,,,,,,,,,,, اللهم اننا مظلمون فانتصر
وطبعا كل الشكر لشباب الاخوان اللي بجد هم دول رجاله مصر
ربي يجازيكم كل خير ويثبتكم علي الحق,,,,,,,,,,, اللهم امين

يا ريت يا جماعة حد يطمنا ويعرفنا فى حد حصله حاجة
ومين اللى شرب الليلة
وحسبنا الله ونعم الوكيل