الحق والزور ولاد عم
عشان كدة كانوا بيقولوا فى المثل(انت عاوز الحق ولا ابن عمه)؟
وكانوا دايما مع بعض....
عشان كدة مفيش حق من غير زور ...ومفيش زور من غير حق
وكنت دايما لما تسال الناس الحق اللى يمشى ولا الزور
يقوله لا طبعا (الحق اللى يمشى)
فى يوم من الايام الحق والزور ماشيين من بلد لبلد
الزور قال للحق
بدل محنا الاتنين ماشيين
ماتيجى كل واحد يركب على التانى شويه
فقال الحق ماشى
قال الزور انا اللى هركب الاول
الحق قاله زى بعضه(ماهو هييجى على الدور بعدك وهركب انا كمان)
الزور ركب فوق الحق وفضل الحق ماشى ماشى لغايه ماتعب
قال الزور (انزل انت بقى عشان اركب شويه)
الزور قال
هوه انت لحقت تتعب امشى كمان شويه
مش الحق كمان شويه وبعدين قال للزور
(كفايه كدة بقى ومش هركب عليك اكتر من اللى انت ركبته
الزور قال
بس شويه كدة لغايه الشجرة اللى هناك
وكل شويه طلع بحجة لغايه ما الحق فطس من كتر التعب
وراح قاعد على الارض ومارضيش يمشى تانى غير لما الزور ينزل وهو يركب
الزور قام قاله
يعنى احنا اختلفنا؟
الحق قال
طبعا اختلفنا
الزور قال
نحكم الناس بينا واللى يقولوه يمش علينا
الحق قال زى بعضه
فى فوته ناس طيبين زى حالات السامعين
نادى الزور وقال
لو سمحتوا يا رجاله احنا اختلافنا مع بعض وعاوزين حكمكوا واللى هتقولوه هيمشى
الحق هوه اللى يمشى ولا الزور.....
ردوا كلهم فى نفس واحد وقالوا..
طبعا الحق هوه اللى يمشى
ومن يومها والدنيا على دة الحال
الحق ماشى والزور راكب والناس زى حالاتنا كدة طيبين او مش فاهمين
منقوووووووول
موضوع: الحق اللى يمشى .....ولا الزور.... 
الأربعاء 1 ديسمبر 2010 - 20:56
