طريق السعادة ... هااااااااااااااااااااااااااااااااام جدا

مشرف عدد المساهمات : 145 تاريخ التسجيل : 18/09/2010

طيب نعمل إيه لو آثار الماضي بتلاحقنا لحد دلوقتى ... يعنى مثلا الماضي كان فيه خطأ معين انا بارتكبه .. ودلوقتى أنا لسه مستمر ...
وهنا الحل فى منتهى السهولة ... فورا تاخد قرار إنك تقفل كل حاجة سلبية أنت بتعملها ..كل ما بتزود سلبياتك بترجع لورا .. طيب تبطل إزاى .. أول حاجة لازم تغزى إدراكك يعنى تقرا كتير عن الفعل السلبي دا وعن أضراره أو تاخد دورة .. أو تخلى حد يكلمك كتير كتير عن الموضوع دا .. شوية وهتلاقى نفسك إتولد عندها دافع من كتر الإلحاح إنها تمنع الفعل السلبي دا من التكرار .. تقوم واخد القرار وتصبر عليه ... هتتغير وهتبقى شخص رائع وأول ما تاخد الخطوة دى ... حياتك كلها هتختلف تماما ولو مصحوبة الخطوة دى بقناعة .. هتحصل على سعادة مش ممكن تلاقيها فى حته تانية ...

طيب لو أثر الماضى مستمر رغم عنى حتى الآن وممن يكون حاجة مش ليا ذنب فيها..
مرض مثلا أو حد أتعرض لحادث وساب فيه أثر كبير ممكن يكون مثلا إتبتر أحد أقدامه مثلا ... او أى أثر مهما كان صعب ويصعب أو يستحيل محوه
ساعتها لازم تتقبل نفسك زى ما انت .. ولازم تواجه الدنيا بكل طاقة وقوة .. عشان دا قدر ربنا واحنا لا نملك مع قدر ربنا إلا أننا نرضى وبعدين نقدر قيمة الهدية لأن دى هدية من ربنا وثوابها عظيم جدا يوم القيامة ... إرضى بما قسمه الله لك ... إرضى ..وبعدين لو ما رضيتش إيه ممكن يحصل غير أنك هاتكون فى قمة التعاسة .. طيب لو رضيت؟؟ هتبقى مطمئن وسعيد وهتبقى دايما فى احسن حالاتك .. واستخدم الأثر دا لصالحك ..زى واحد من الناس الأغنياء اللى جاله شلل أطفال .. غير مسار حياته تماما بعد لما كان إنسان أناني ومتغطرس .. بأة صاحب أكبر مؤسسة لرعاية مرضى شلل الأطفال ...
وناس كتير جدا كدا .. كان فى طفل صغير عنده 7 سنين بس وبعدين جاله سرطان ... كان سبب نجاح ليه كبير لأنه كتب كتاب كيف تحارب السرطان فى سن صغيرة .. الكتاب دا اتباع منه 7 مليون نسخة حول العالم واترجم لتسع لغات ... فقدر الهدية واحمد الله وارضى وربنا سبحانه وتعالى بيقول (( ولإن شكرتم لأزيدنكم )) وصدقنى مع الرضا ... هتلاقى أكبر معانى السعادة .. ومن غير الرضا .. مش هتحصل على شيء .. فضلا عن أنك هتكون أتعس واحد فى الدنيا ... وافتكر باستمرار أن دايما الحياة بتستمر .. وما بتوقفش أبدا لحد او لمشكلة .. أوعة تقف أنت كمان .. أصل يفوتك القطر ... قطر الحياة

لوطبقت الاستراتيجيات الذهنية اللى احنا قولنا عليها يبقى أنت خلصت تنقية ماضيك ..وماضيك هيبقى من اللحظة دى عبارة عن رصيد عظيم ورائع من الخبرات والتجارب والمهارات اللى هتساعدك توصل بكل سرعة وقوة للنجاح وللسعادة
ــ ممكن يكون حد عنده استثناء من الحاجات دى عنده حبل متين مش عارف يفكه .. دا زى ما قولت هيكون استثناء وممكن يتواصل معايا وإن شاء الله يضيفلى خبرة وانا إن شاء الله عندى الحل

ـ لكن عموما الكلام دا ينطبق على حوالى 98% من الناس عشان كدا فك حبالك عشان نتحرك

وافتكردايما
واحفظ الجملة دى دايما
أن الماضي مهما كان يحوى من الإحباطات والآلام والتحديات ... فإنه يظل ماضي .. يكفى ما سببه لنا من الآلام .. وعليك ألا تجعله سبب فى تدمير حاضرك ومستقبلك
واربط حزامك واطلع معايا للحاضر مليان حماس ... وبكل طاقة الماضى الرائع
نتحرك ناحية الحاضر ...
وخليك معايا مركز دايما فى طريق السعادة ...

مشرف عدد المساهمات : 145 تاريخ التسجيل : 18/09/2010

خلونى هنا آخد فاصل
وآخد رأيك فى اللى فات وتقييمكم الصادق
وهل نكمل ؟؟
وللا لاء مش لازم ؟؟؟
وللا الاول ممكن نعمل يوم حوارى على الدردشة حوالين الماضى وبعدين ندخل فى الحاضر ؟؟؟

مستنى ردودكم واستفسارتكم واسهامتكم
ودمتم بود

مشرف عدد المساهمات : 836 تاريخ التسجيل : 17/09/2010

ايه ده كله
هوه انا كنت فى غيبوبة ولا ايه ؟!!!
ههههههههههههههههههههههههههه
شوية بقا اجيب الموضوع من الاول والحقكوا
ربنا معايا
بالراحة شوية

مشرف عدد المساهمات : 836 تاريخ التسجيل : 17/09/2010

وخلينى هنا آخد فاصل وأقولك أقعد مع نفسك لمدة خمس دقايق وشوف أنت بتكره مين وأسأل نفسك الكراهية دى مين اللى خسران بيها .. هتلاقى نفسك أكبر خسران ... إيه رأيك تشيل حاجة من موانع السعادة .. الكراهية والحقد .. إمسح من قلبك كل كره .. وامسح من قلبك كل سوء

دى صعبة اوى يا استاذ مصطفى
القرارنفسه صعب
ممكن يكون ضعف منى
بس الواحد فى حاجات بيحس انه لا يمكن ينساها
ممكن يعديها بس لا يمكن انه يسامح

مشرف عدد المساهمات : 145 تاريخ التسجيل : 18/09/2010

لؤلؤة عندك حق ممكن يكون النسيان صعب والسماح أصعب .. لكن خلينى افكرك .. هو مين خسران بالكره دا .. الشخص المكروه ... وللا انتى .. ها أكيد أنتى ؟؟ طيب بس الموضوع مش سهل أيوة ومين قال إنه سهل ... لكن بالاستعنة بالله وتذكر الآية اللى بتوصف الناص أصحاب الجنة والمتقين بانهم ( والكاظمين الغيظ العافين عن الناس والله يحب المحسنين )) وااختارى انتى باة اللى انتى عايزاه

تعب الدنيا
وللا راحة الدنيا والآخرة ... لكن أنا معاكى طبعا غن فيه حاجات ما تتنسيش ... وخاصة اللى متعلقة بالين ... ساعتها نرجع لمبدأ الحب فى الله والبغض فى الله .. يعنى مش أكره الشخص .. اكره فعله أو أفعاله لأنها ضد الله ... ودا هيفيدنى لأنه مش هيخلينى أعمل الأفعال دى أبدا لأنى بكرهها

ودا سهل إن شاء الله بس انتى ما تحكميش على نفسك إنك ما تقدريش ... وما تعمميش
هتلاقى الموضوع سهل اوى والله

ودمتى بود وسعادة

توماس أديسون قبل مايخترع المصباح حاول على أقل الآراء 458 مرة فسألوه انت إزاى قدرت بعد فشل 458 مرة انك تنجح ..

لا تعليق .... Smile

احنا بس نحاول مرتين تلاتة ع الأقل ...
صــــــــــــعبة أوى ...

أن الماضي مهما كان يحوى من الإحباطات والآلام والتحديات ... فإنه يظل ماضي .. يكفى ما سببه لنا من الآلام .. وعليك ألا تجعله سبب فى تدمير حاضرك ومستقبلك
واربط حزامك واطلع معايا للحاضر مليان حماس ... وبكل طاقة الماضى الرائع
نتحرك ناحية الحاضر ...

يـــــــــــــــــــــــا مسهل ...
معاك .. وربنا المعين .. Smile

(قل يا عبادى الذين أسرفوا على انفسهم لا تقنطوا من رحمة الله إن الله يغفر الذنوب جميعا )

لا إله إلا الله ... Smile

)

وللا الاول ممكن نعمل يوم حوارى على الدردشة حوالين الماضى وبعدين ندخل فى الحاضر ؟؟؟

من رأيى ده ضرورى اوى ...

وربنا يجازيك عنا كل خيـــــــر ... Smile

مشرف عدد المساهمات : 145 تاريخ التسجيل : 18/09/2010

رحيق الجنة ... باسجل إعجابى على ملاحظاتك .. وان شاء لله ممكن يوم الاحد القادم يكون الحوار على الدردشة بتاعة المنتدى

ودمتى بود

جزاك الله خيراا

دائما مبدع ربنا يبارك فيك يارب

اجمل جملة

وافتكردايما

أنالماضي مهما كان يحوى من الإحباطات والآلام والتحديات ... فإنه يظل ماضي.. يكفى ما سببه لنا من الآلام .. وعليك ألا تجعله سبب فى تدمير حاضركومستقبلك
واربط حزامك واطلع معايا للحاضر مليان حماس ... وبكل طاقة الماضى الرائع
نتحرك ناحية الحاضر .

من اروع الكلام لي يدي اكبر طاقة للمستقبل
نفعنا الله بعلمك وجزاك الله عنا خير الجزاء

وننتظر وكلنا حمااااس لوصول لطريق السعادة
بارك الله فيك
..

مشرف عدد المساهمات : 145 تاريخ التسجيل : 18/09/2010

اهلا دينا نورتى الموضوع ... إيه فينك من زمان ...دا انا قولت زعلانة مننا وللا حاجة

وربنا ينفعنا كلنا ببعض

وتحياتى على مرورك اللى أسعدنى جامد جدا

وربنا يهدينا كلنا للسعادة

ودمتى بود وخير وسعادة

بس ما تنساش .. مش مهم الكلام عجبك .. ومش مهم قريته 10 مرات .. المهم انك تنفذه وتغير تفكيرك .. وتغير سلوكك .. تقوم نتايجك تتغير .. وحياتك كلها تتغير ...

وخليك معايا فى طريق السعادة ...

المشكله ان الدافع للتغيير
بيتغير كل شويه
مرة يبقى فى السما
ومرة يبقى فى الارض
بس بنحاول ان شاء الله
جزاك الله خيرا

الغالية مسلمة
الموضوع دا أمره سهل الدوافع بتتولد أساسا من الاهداف واسبابها

يعنى اكتبى اهدافك
واكتبى عايزة تحققيها ليه
وراجعيها واقريها كل شوية

هتديكى دوافع وكل ما تهمدى
اقرى اسبابك واهدافك تقومى تنتعشي تانى

ودمتى بود

الموضوع اكتر من رائع ...جزاك الله خيرا يااستاذ مصطفى

مش لازم يكون الماضى هو السبب ممكن يكون ان الواحد مش عارف يلاقى نفسه
مش عارف يحط هدف حتى لو حط هدف هيلاقى عوائق توقفه وناس تحبطه فيقرر انه يرجع
لنقطه الصفر تانى .... واهم حاجه حسن الظن بالله والقرب من ربنا بيعطى للانسان امل

متابعه معاكم باذن الله

الأخت المميزة سندريلا
مرورك اسعدنى جدا ونورتى الموضوع بجد
والموضوع طبعا لسة ليه بقية
إحنا بس تناولنا جانب الماضي
ولسة الحاضر والمستقبل إن شاء الله
بس ممكن ناجلهم بعد إمتحانات الاعضاء
الموضوع أصله مهم
وانا مش عايز اكروته
وليكي طبعا كل الحق فى الكلام اللى قولتيه
ودا المختصر المفيد للموضوع
تابعينا هتلاقى الخير كله ان شاء الله
وربنا يجازيكى خير على المشاركة الفعالة
ودمتى بود وخير وسعادة

» مواطن السعادة
» كتب التنمية البشرية